சு.கவில் இருந்து மூவரை நீக்குவதைத் தடுக்கும் தடையுத்தரவு நீடிப்பு!

துமிந்த திஸாநாயக்க, லசந்த அழகியவண்ண மற்றும் மஹிந்த அமரவீர ஆகியோரைக் கட்சியில் இருந்து நீக்குவதற்கு ஸ்ரீலங்கா சுதந்திரக் கட்சியின் செயற்குழு மேற்கொண்ட தீர்மானத்தைத் தடுக்கும் இடைக்காலத் தடையுத்தரவு ஏப்ரல் 24 ஆம் திகதி வரை நீடிக்கப்பட்டுள்ளது.

மேற்படி நாடாளுமன்ற உறுப்பினர்களால் தாக்கல் செய்யப்பட்ட மனு இன்று மீளவும் விசாரணைக்கு எடுத்துக்கொள்ளப்பட்டபோதே கொழும்பு மாவட்ட நீதிபதி சந்துன் விதான இந்த உத்தரவைப் பிறப்பித்துள்ளார்.

முன்னாள் ஜனாதிபதி மைத்திரிபால சிறிசேன மற்றும் ஸ்ரீலங்கா சுதந்திரக் கட்சியின் பதில் பொதுச் செயலாளர் சரதி துஷ்மந்த மித்ரபால உள்ளிட்ட சிலர் இந்த மனுக்களில் பிரதிவாதிகளாகக் குறிப்பிடப்பட்டுள்ளனர்.