கனடா பயணிக்க இருந்த விமானத்திற்கு வெடிகுண்டு மிரட்டல்

2

இந்தியா தலைநகர் புதுடில்லியில் இருந்து கனடா – டொரொன்ட்டோ நகருக்குப் பயணிக்க இருந்த Air Canada விமானத்தில் வெடிகுண்டு இருப்பதாக மிரட்டல் விடுக்கப்பட்டது.

ஆனால், விமானத்தைச் சோதித்துப் பார்த்ததில் அது வெறும் புரளி என்று உறுதிப்படுத்தப்பட்டது.

விமானத்துக்குள் வெடிகுண்டு இருப்பதாக இந்திரா காந்தி விமான நிலைய அதிகாரிகளுக்கு நேற்று (4 ஜூன்) அந்தத் தகவல் மின்னஞ்சலில் அனுப்பப்பட்டது.

முழுமையான பாதுகாப்புச் சோதனை நடத்தப்பட்டதாக The Hindu செய்தி வெளியிட்டுள்ளது.

புரளியைக் கிளப்பியது யார் என்று விசாரிக்கப்படுகிறது. இதற்காக விரைவில் சட்ட நடவடிக்கை எடுக்கப்படும் என அதிகாரிகள் தெரிவித்துள்ளனர்.