பூநகரி வனத்துறை காரியாலயம் மீது தாக்குதல்! – அதிகாரிகள் இருவர் காயம்

கிளிநொச்சி மாவட்டம், பூநகரி வனத்துறை காரியாலய அதிகாரிகள் இருவரை அப்பிரதேசத்தில் வசிக்கும் நபர் ஒருவர் மரக்கட்டையால் தாக்கியுள்ளார். சம்பவத்தில் காயமடைந்த இரண்டு அதிகாரிகளும் வைத்தியசாலையில் சேர்க்கப்பட்டுள்ளனர்.

பூநகரி பிரதேசத்தில் காடுகளை வெட்டியமை தொடர்பாக சில மாதங்களுக்கு முன் கைது செய்யப்பட்ட ஒருவர் மது அருந்திவிட்டு வனத்துறை காரியாலயத்தின் யன்னல்களை உடைத்து அரச உடமைகளுக்குச் சேதம் விளைவித்தார் என்று பூநகரி பொலிஸாருக்கு முறைப்பாடு கிடைக்கப்பெற்றது.

அதையடுத்துத் தாக்கிய சந்தேகநபர் கைது செய்யப்பட்டார். மேற்படி சம்பவத்தில் காயமடைந்த வனத்துறை காரியாலய அதிகாரிகள் இருவரும் பூநகரி வைத்தியசாலையில் சிகிச்சை பெற்று வருகின்றனர்.