7
பாடசாலைக்குச் சென்ற நான்கு தமிழ் மாணவர்கள் காணாமல்போயுள்ளனர் என்று பொலிஸ் நிலையத்தில் முறைப்பாடு அளிக்கப்பட்டுள்ளது.
நோர்வூட் பொலிஸ் பிரிவுக்குட்பட்ட பகுதியில் இன்று (04) இந்தச் சம்பவம் இடம்பெற்றுள்ளது.
இவ்வாறு மாயமான மாணவர்கள் சென். ஜோன் டில்லரி தமிழ் வித்தியாலயத்தில் தரம் 10 இல் கல்வி கற்பவர்கள் என்று நோர்வூட் பொலிஸார் தெரிவித்தனர்.
தனஞ்செயன் கஜரூபன், சுப்பிரமணியம் தனூஸ்கர், பார்த்தீபன் தியோஜன் மற்றும் அனூஜன் ஆகிய நான்கு மாணவர்களே காணாமல்போனவர்களாவர்.
காணாமல்போன மாணவர்களில் ஒருவரான அனூஜனின் தந்தை நோர்வூட் பொலிஸ் நிலையத்தில் சம்பவம் தொடர்பில் முறைப்பாடு ளித்துள்ளார்.
சம்பவம் தொடர்பில் நோர்வூட் பொலிஸ் நிலையப் பொறுப்பதிகாரி தலைமையிலான பொலிஸார் மாணவர்களைத் தேடும் பணியில் ஈடுபட்டு வருகின்றனர்.
.
