நடிகர் விஜய் சேதுபதி தமிழ் சினிமாவில் எல்லோருக்கும் பிடித்த ஒரு முக்கிய நடிகராக இருந்து வருகிறார். மேலும் இவர் ஏராளமான படங்களில் நடித்து வருகிறார்.
தற்போது இவர் கைவசம் 10 படங்களுக்கு மேல் இருக்கும் என்றே தெரிகிறது. வரும் 29ம் தேதி இவர் நடிப்பில் வெளியாகவுள்ள படம் சூப்பர் டீலக்ஸ். இந்தப் படத்தை அடுத்து சீனு ராமசாமி இயக்கத்தில் உருவாகி வரும் “மாமனிதன்” படம் வெளியாகவுள்ளது.
இந்தப்படத்தின் படப்பிடிப்பு தற்போது முடியும் தருவாயில் உள்ளது. அதனை தொடர்ந்து அடுத்ததாக, இயக்குநர் விஜய்சந்தர் இயக்கத்தில், நடிகர் விஜய்சேதுபதி ஒரு படத்தில் நடித்து வருகிறார்.
இந்த படத்தின் படப்பிடிப்பு சமீபத்தில் துவங்கிய நிலையில் தற்போது முதற்கட்ட படப்பிடிப்பு முடிவடைந்துள்ளது. இந்தப் படத்தில் விஜய்சேதுபதிக்கு ஜோடியாக ராசிகண்ணா நடித்து வருகிறார்.
இந்நிலையில் இவர்கள் இருவரும் சம்பத்தப்பட்ட காட்சிகள் படமாக்கப்பட்டு வருகிறது. அடுத்தகட்ட படப்பிடிப்பில் இந்த படத்தின் மற்றொரு நாயகியாக நடிகை நிவேதா பெத்துராஜும் நடிக்கிறார்.
இந்தப் படத்தை விஜயா புரடொக்சன்ஸ் தயாரித்து வருகிறது. இந்த படத்திற்கு விவேக் சிவா & மெர்வின் சாலமன் இரட்டையர்களாக இசையமைத்து வருகின்றனர்.
தற்போது உருவாகி வரும் இந்த படத்திற்கு “சங்கத்தமிழ்” என்ற பெயர் வைக்கப்பட்டுள்ளதாக செய்திகள் வெளிவந்துள்ளது.
