பாலிவுட்டில் முன்னணி இயக்குனராக இருக்கும் அனுராக் காஷ்யப் மீது பிரபல நடிகை பாலியல் புகார் கூறியுள்ளது பரபரப்பை ஏற்படுத்தியுள்ளது.
அனுராக் காஷ்யப்பாலிவுட் திரையுலகில் முன்னணி இயக்குனராகவும், நடிகராகவும் இருப்பவர் அனுராக் காஷ்யப். இவர் மீது நடிகை பாயல் கோஷ் பாலியல் குற்றச்சாட்டு ஒன்றை டுவிட்டரில் வைத்துள்ளார். இது பரபரப்பை ஏற்படுத்தி உள்ளது.
அதில் “அனுராக் காஷ்யப் தன்னிடம் அத்துமீறி மிகவும் மோசமான முறையில் நடந்ததாகவும், அவர் மீது தக்க நடவடிக்கை எடுக்கும்படியும் கேட்டுக் கொண்டுள்ளார்.
மேலும் இதனால் தனக்கும், தன் பாதுகாப்புக்கும் அச்சுறுத்தல் ஏற்படும். தயவு செய்து உதவுங்கள் என அந்த பதிவில் குறிப்பிட்டுள்ளார். இந்த டுவிட்டில் அவர் பிரதமர் மோடியையும் டேக் செய்துள்ளார்.
பாயல் கோஷின் இந்த குற்றச்சாட்டு பாலிவுட்டில் பெரும் பரபரப்பை ஏற்படுத்தி உள்ளது. இயக்குனர் அனுராக் காஷ்யப், நயன்தாராவின் இமைக்கா நொடிகள் படத்தில் வில்லனாக நடித்துள்ளார் என்பது குறிப்பிடத்தக்கது.
