காலம் ஒரு நாள் வாரது போகுமா
கவலைகள் ஒரு நாள் தீராது போகுமா
கண்ணீர் ஒர் நாள் காயாது போகுமா
காற்று ஒரு நாள் வீசாமல் போகுமா
காலங்கள் ஒரு நாள் மாறாமல் போகுமா
கனவுகள் ஒரு நாள் உயிர்காமல் போகுமா
கதவுகள் ஒரு நாள் திறக்கமால் போகுமா
துன்பங்கள் ஒரு நாள் தீராமல் போகுமா
பாதைகள் ஒரு நாள் தெரியமால் போகுமா
பயணங்கள் ஒரு நாள் முடியாமல் போகுமா
முற்றத்து மல்லிகை பூக்காமல் போகுமா
பக்கத்து கோவில் மணி ஒலிக்காமல் போகுமா
இரவுகள் ஒரு நாள் விடியமால் போகுமா
நிலவு ஒரு நாள் பூக்காமல் போகுமா
வாழ்வு ஒரு நாள் மாறாது போகுமா
வசந்தம் ஒருநாள் வீசாமல் போகுமா
வானம் ஒரு நாள் திறக்காமல் போகுமா
மழை ஒரு நாள் வாராது போகுமா
சூரியன் ஒரு நாள் உதிக்காமல் போகுமா
சுதந்திரம் ஒரு நாள் வாராமல் போகுமோ
நாளை ஒரு நாள் பூக்காமல் புலருமா
நம்பிக்கை ஒருநாள் உயிர்க்காமல் போகுமா
தாயின் பாசம் இல்லாது போகுமா
எங்கள் தமிழ் ஒரு நாள் நிமிராது போகுமா
உண்மை ஒரு நாள் வெல்லாமல் போகுமோ
உலகம் ஒரு நாள் திரும்பாமல் போகுமோ
தர்மம் ஒருநாள் நிலைக்காமல் போகுமோ
நீதி ஒரு நாள் வெல்லாமல் போகுமோ
ஏழைகள் வாழ்வு ஒரு நாள் உயராமல் போகுமோ
எங்கும் சமத்துவம் வாராமல் போகுமோ
அன்பும் அறமும் இல்லாமல் போகுமா
எங்கும் அன்பே சிவம் என்றில்லாது போகுமா
பறவைகள் ஒரு நாள் பாடாமல் போகுமா
குயில்கள் ஒரு நாள் கூவாமல் போகுமா
மாற்றங்கள் ஒரு நாள் மாறாமல் போகுமா
மாறுதல் என்பது நடக்காமல் போகுமா
பா. உதயன்
