Thursday, March 28, 2024

செய்திகள்

புகைப்படத் தொகுப்பு

Home மருத்துவம் நுரையீரல் ஆரோக்கியத்துக்கான பயிற்சி!

நுரையீரல் ஆரோக்கியத்துக்கான பயிற்சி!

1 minutes read

கொரோனா வைரஸ் நம்முடைய நுரையீரல் உயிரணுக்களை பாதிப்பதன் மூலமும், அவற்றின் செயல்பாடுகளை சீர்குலைப்பதன் மூலமும் உடம்பில் ஆக்சிஜன் அளவை குறைப்பதாக கூறப்படுகிறது. இதனால் மூச்சுத்திணறல் போன்ற அறிகுறிகள் தோன்றுகின்றன. எனவே நம்முடைய நுரையீரல் திறனை அதிகரிக்கவும், மூச்சுத் திணறலை குறைக்கவும் சுவாசப் பயிற்சி உதவுமா? என்பது தொடர்பாக, சுகாதார மற்றும் குடும்ப நல அமைச்சகம் தனது சமீபத்திய செய்திக்குறிப்பில் கூறியிருப்பதை பார்க்கலாம்.

மூச்சுப்பயிற்சி பொதுவாக நுரையீரல் செயல்பாட்டை மேம்படுத்துவதற்காக செய்யப்படுகிறது. 90 சதவீத கொரோனா நோயாளிகள் இந்த தொற்று காரணமாக நுரையீரல் பாதிப்பை அனுபவிக்கின்றனர், என்று மருத்துவர்கள் கூறுகின்றனர். அதில், 10 முதல் 12 சதவீதம் பேருக்கு நிமோனியா, நுரையீரல் தொற்று ஏற்படக்கூடும், இதில் நம் நுரையீரலில் இருக்கும் சிறிய காற்றுப் பைகள் வீக்கமடைகின்றன. கொரோனா நோயாளிகளுக்கு மிகக் குறைந்த விகிதத்திலேயே ஆக்சிஜன் ஆதரவு தேவைப்படுகிறது, மூச்சுத் திணறல் மிகவும் கடுமையான நிலைக்கு முன்னேறும் போது மட்டுமே பிரச்சினை பெரிதாகிறது. எனவே ஆரம்பத்திலேயே மூச்சுப்பயிற்சி செய்வது நன்மை அளிக்கும்.

இருமல் அல்லது அசவுகரியம் இல்லாமல் 10 வினாடிகளுக்கு மேல் மூச்சை பிடித்து வைத்திருப்பது நல்ல நுரையீரல் செயல்பாடு மற்றும் கொரோனா அபாயத்தை குறைக்கும்.

மருத்துவமனையில் சேர்க்கப்படுபவர்களும், வீட்டில் ஆக்சிஜனை பயன்படுத்தும் நபர்களும் சுவாச பிடிப்பு பயிற்சி செய்வது ஆக்சிஜன் தேவையை குறைக்க உதவும். மேலும் அவர்களின் நுரையீரலை ஆரோக்கியமாக வைக்கவும் உதவுகிறது.

உடற்பயிற்சியின் போது நீண்ட நேரம் மூச்சை பிடித்து வைத்திருப்பது சில பக்க விளைவுகளை உண்டாக்கும். மூச்சுப்பயிற்சி செய்யும் போது நேராக உட்கார்ந்து கொள்ளுங்கள். உங்கள் தொடைகளில் கைகளை வைத்துக் கொள்ளுங்கள். இப்போது உங்கள் வாயைத் திறந்து மார்பை அதிகபட்சமாக நிரப்ப, உங்களால் முடிந்த அளவு காற்றை உள்ளிழுக்கவும். பின்னர், உதடுகளை இறுக்கமாக மூடி. உங்களால் முடிந்தவரை உங்கள் மூச்சை தக்க வைத்துக்கொள்ள முயற்சி செய்யுங்கள். எவ்வளவு நேரம் வைத்திருக்கிறீர்கள் என்று கவனியுங்கள்.

நீங்கள் ஒரு மணி நேரத்துக்கு ஒரு முறை என மூச்சுப் பிடிப்பு பயிற்சியை செய்யலாம். மூச்சைப் பிடிக்க மிகவும் கடினமாக முயற்சி செய்ய வேண்டாம் என்பதை நினைவில் கொள்ளுங்கள்.

நன்றி-மாலை மலர்

சினிமா

விமர்சனம்

கட்டுரை

வணக்கம் இலண்டன்

Vanakkam London – Sri Lanka, London and world Latest Breaking News and Headlines

@2013 – 2024 | Vanakkam London | All Rights Reserved.

This website uses cookies to improve your experience. We'll assume you're ok with this, but you can opt-out if you wish. Accept Read More