இந்தியாவுக்கு எதிராக நாக்பூரில் இன்று இரவு நடைபெறவுள்ள 2ஆவது சர்வதேச இருபது 20 கிரிக்கெட் போட்டியில் வெற்றியீட்டி தொடரைக் கைப்பற்றும் குறிக்கோளுடன் அவுஸ்திரேலியா களம் இறங்கவுள்ளது.
மறு புறத்தில் கடைசிக் கட்ட ஓவர்களை கட்டுப்பாட்டுடன் வீசி அவுஸ்திரேலியாவுக்கு நெருக்கடி கொடுக்கும் எண்ணத்துடன் ஜஸ்ப்ரிட் பும்ராவை விளையாடச் செய்வது குறித்து இந்தியா ஆலோசித்துக்கொண்டிருக்கிறது.
எவ்வாறாயினும் பூரண உடற்தகுதியைக் கொண்டிருந்தால் மாத்திரமே ஜஸ்ப்ரிட் பும்ரா இன்றைய போட்டியில் விளையாடுவார் என அறிவிக்கப்படுகிறது. அவர் விளையாடினால் அவருக்கு உமேஷ் யாதவ் வழிவிடுவார் என எதிர்பார்க்கப்படுகிறது. அத்துடன் யுஸ்வேந்த்ர சஹாலுக்குப் பதிலாக ரவிச்சந்திரன் அஷ்வினை இறுதி அணியில் இணைப்பது குறித்தும் ஆலோசிக்கப்படுவதாகத் தெரிவிக்கப்படுகிறது.
இரண்டு அணிகளுக்கும் இடையிலான 3 போட்டிகள் கொண்ட தொடரில் மொஹாலியில் பரபரப்பை ஏற்படுத்திய முதலாவது போட்டியில் மிகவும் திறமையாகத் துடுப்பெடுத்தாடிய அவுஸ்திரேலியா கடைசி ஓவரில் 4 விக்கெட்களால் வெற்றியீட்டியிருந்தது.
முதலாவது போட்டியில் விளையாடிய அதே வீரர்கள் இன்றைய போட்டியிலும் அவுஸ்திரேலிய அணியில் இடம்பெறவுள்ளனர்.
அணிகள்
இந்தியா: ரோஹித் ஷர்மா (தலைவர்), கே. எல். ராகுல், விராத் கோஹ்லி, சூரியகுமார் யாதவ், ஹார்திக் பாண்டியா, தினேஷ் கார்த்திக், ஹர்ஷால் பட்டேல், புவ்ணேஷ்வர் குமார், ஜஸ்ப்ரிட் பும்ரா அல்லது உமேஷ் யாதவ், யுஸ்வேந்த்ர சஹால் அல்லது ரவிச்சந்திரன் அஷ்வின்.
அவுஸ்திரேலியா: ஆரொன் பின்ச் (தலைவர்), பெமரன் க்றீன், ஸ்டீவன் ஸ்மித், க்ளென் மெக்ஸ்வெல், ஜொஷ் இங்லிஸ், டிம் டேவிட், மெத்யூ டேவிட், பெட் கமின்ஸ், நேதன் எலிஸ், அடம் ஸம்ப்பா, ஜொஷ் ஹேஸ்ல்வூட்.
