போர்க் குற்றம், இனப் படுகொலை ஆகிய குற்றங்களில் ஈடுபட்டதாக தொடுக்கப்பட்ட வழக்கில், சூடான் அதிபர் ஒமர் அல்-பஷீரை கைது செய்வதற்கு சர்வதேச குற்றவியல் நீதிமன்றம் உத்தரவிட்டுள்ளது.
தென் ஆப்பிரிக்க ஒன்றிய உச்சி மாநாட்டில் கலந்து கொள்வதற்காக, சூடான் அதிபர் ஒமர் அல்-பஷீர், ஜோகன்னஸ்பர்க் நகருக்கு வந்துள்ளார். இதனிடையே, அவரைக் கைது செய்வதற்கு பிடியாணை பிறப்பித்து சர்வதேச குற்றவியல் நீதிமன்றம் உத்தரவிட்டது.
ஒமர் அல்-பஷீரை, தென் ஆப்பிரிக்காவில் இருந்து வெளியேறக் கூடாது என்று பிரெட்டோரியா நீதிமன்றம் ஞாயிற்றுக்கிழமை உத்தரவிட்டது.
தென் ஆப்பிரிக்க ஒன்றிய உச்சி மாநாடு திங்கள்கிழமை நிறைவடைந்த பிறகு, அவர் கைது செய்யப்பட்டு, சர்வதேச குற்றவியல் நீதிமன்றத்தில் ஒப்படைக்கப்படுவார் என்று தெரிகிறது. சூடானில் 2003-ஆம் ஆண்டு நிகழ்ந்த போரில், 3 லட்சம் பேர் உயிரிழந்ததாகவும், 25 லட்சம் பேர் தங்கள் வீடுகளை விட்டு வெளியேறியதாகவும் ஐ.நா. தெரிவித்துள்ளது.
2
