‘உலகநாயகன்’ கமல்ஹாசன் பாடலாசிரியராக பணியாற்றியிருக்கும் ‘இனிமேல்’ எனும் சுயாதீன விடியோ இசை அல்பத்தில், அவருடைய ரசிகரும், முன்னணி நட்சத்திர இயக்குநருமான லோகேஷ் கனகராஜ் நடிகராக அறிமுகமாகி இருக்கிறார்.
கமல்ஹாசனின் மூத்த வாரிசும், நடிகையும், இசை கலைஞருமான ஸ்ருதி ஹாசனின் மாயாஜால இசை மற்றும் குரலில் உருவாகி இருக்கும் ‘இனிமேல்’ எனும் சுயாதீன பாடலில் அவர் லோகேஷ் கனகராஜுடன் நெருக்கமாக இணைந்து நடித்திருப்பது திரையுலகினரை ஆச்சரியப்படுத்தி இருக்கிறது.
நடிகை ஸ்ருதிஹாசன் இந்திய அளவிலான நட்சத்திர நடிகையாக ஜொலித்தாலும்… அவருடைய கவனம் எல்லாம் இசையின் மீதுதான் இருக்கும்.
இது அவரே பகிரங்கமாக பகிர்ந்து கொண்ட தகவல். அவருடைய இசையில்.. குரலில் வெளியாகி இருக்கும் புதிய சுயாதீன விடியோ அல்பம் ‘இனிமேல்’. இந்த பாடலில் இயக்குநர் லோகேஷ் கனகராஜ் மற்றும் ஸ்ருதிஹாசன் நடித்திருக்கிறார்கள்.
‘கே ஜி எஃப்’ பட புகழ் புவன் கௌடா ஒளிப்பதிவு செய்திருக்கும் இந்த பாடலை இயக்குநர் துவாரகேஷ் பிரபாகர் இயக்கியிருக்கிறார்.
ராஜ் கமல் ஃபிலிம் இன்டர்நேஷனல் பட நிறுவனத்தின் சார்பில் இந்த சுயாதீன வீடியோ இசை அல்பத்தை தயாரிப்பாளர்கள் கமல்ஹாசன் மற்றும் ஆர். மகேந்திரன் இணைந்து தயாரித்திருக்கிறார்கள்.
பாரம்பரிய கலாச்சாரத்தை உடைத்தெறிந்து, மேலத்தேய கலாச்சார மோகத்தில் திளைத்திருக்கும் இன்றைய இளைய தலைமுறையினரின் ஃபாஸ்ட் ஃபுட் காதலையும், பதிவு திருமணத்தையும், சகிப்புத்தன்மையின்மை ப்ளஸ் விட்டுக் கொடுக்காத தன்மையுடனும் வாழத் தொடங்கி இருக்கும் இளம் ஆண் மற்றும் பெண் இடையே ஏற்படும் சிறிய கருத்து முரண்களுக்கான தீர்வாக விவாகரத்து வரை செல்லும் போக்கும்.. பாடலுக்கான காட்சிகளில் எதிரொலித்திருப்பதால் நவீன தலைமுறை இளசுகளுக்கு இந்தப் பாடல் பிடித்திருக்கிறது.
ஸ்ருதிஹாசனின் இனிய குரலும்… கமலஹாசனின் பாடல் வரிகள் மற்றும் காந்த குரலும்… லோகேஷ் கனகராஜின் இளமை ததும்பும் தோற்றமும், மேனரிசமும்… அனைத்து தரப்பு ரசிகர்களையும் கவர்ந்திருப்பதால்… ‘இனிமேல்’ பாடல் வெளியான குறுகிய கால அவகாசத்திற்குள் இரண்டு மில்லியனுக்கும் மேற்பட்ட பார்வையாளர்களால் பார்வையிடப்பட்டு சாதனை படைத்திருக்கிறது.
உலகநாயகன் கமல்ஹாசனின் திரையுலக சந்தை மதிப்பு சரிந்திருந்த நிலையில், அதனை ‘விக்ரம்’ எனும் படத்தின் மூலம் நிமிர வைத்து, பான் இந்திய அளவில் 100 கோடி ரூபாய் சம்பளம் வாங்கும் அளவிற்கு உயர்த்தியவர்.. அவருடைய ரசிகரும், இயக்குநருமான லோகேஷ் கனகராஜ். இதற்கு பதிலுதவியாக லோகேஷ் கனகராஜை நடிகராக்கி அழகு பார்த்திருக்கிறார் உலகநாயகன் கமல்ஹாசன். நடிகராக அவதாரம் எடுத்திருக்கும் லோகேஷ் கனகராஜிற்கு திரையுலகில் வாழ்த்துக்கள் குவிகிறது.
இதனிடையே இயக்குநர் லோகேஷ் கனகராஜ் தற்போது சுப்பர் ஸ்டார் ரஜினிகாந்த் நடிப்பில் தயாராகும் ‘தலைவர் 171’ படத்தை இயக்கி வருகிறார் என்பதும், ‘உலக நாயகன்’ கமல்ஹாசன் ‘இந்தியன் 2’, ‘இந்தியன் 3’ ஆகிய படத்தின் படப்பிடிப்பு பணிகளை நிறைவு செய்துவிட்டு, பிரபாஸ் நடிக்கும் ‘கல்கி 2898AD’ எனும் படத்தில் நடித்து வருகிறார் என்பதும் குறிப்பிடத்தக்கது.
ரசிகரை நடிகராக்கிய உலகநாயகன்
‘உலகநாயகன்’ கமல்ஹாசன் பாடலாசிரியராக பணியாற்றியிருக்கும் ‘இனிமேல்’ எனும் சுயாதீன விடியோ இசை அல்பத்தில், அவருடைய ரசிகரும், முன்னணி நட்சத்திர இயக்குநருமான லோகேஷ் கனகராஜ் நடிகராக அறிமுகமாகி இருக்கிறார். கமல்ஹாசனின் மூத்த வாரிசும், நடிகையும், இசை கலைஞருமான ஸ்ருதி ஹாசனின் மாயாஜால இசை மற்றும் குரலில் உருவாகி இருக்கும் ‘இனிமேல்’ எனும் சுயாதீன பாடலில் அவர் லோகேஷ் கனகராஜுடன் நெருக்கமாக இணைந்து நடித்திருப்பது திரையுலகினரை ஆச்சரியப்படுத்தி இருக்கிறது.
நடிகை ஸ்ருதிஹாசன் இந்திய அளவிலான நட்சத்திர நடிகையாக ஜொலித்தாலும்… அவருடைய கவனம் எல்லாம் இசையின் மீதுதான் இருக்கும். இது அவரே பகிரங்கமாக பகிர்ந்து கொண்ட தகவல். அவருடைய இசையில்.. குரலில் வெளியாகி இருக்கும் புதிய சுயாதீன விடியோ அல்பம் ‘இனிமேல்’. இந்த பாடலில் இயக்குநர் லோகேஷ் கனகராஜ் மற்றும் ஸ்ருதிஹாசன் நடித்திருக்கிறார்கள். ‘கே ஜி எஃப்’ பட புகழ் புவன் கௌடா ஒளிப்பதிவு செய்திருக்கும் இந்த பாடலை இயக்குநர் துவாரகேஷ் பிரபாகர் இயக்கியிருக்கிறார். ராஜ் கமல் ஃபிலிம் இன்டர்நேஷனல் பட நிறுவனத்தின் சார்பில் இந்த சுயாதீன வீடியோ இசை அல்பத்தை தயாரிப்பாளர்கள் கமல்ஹாசன் மற்றும் ஆர். மகேந்திரன் இணைந்து தயாரித்திருக்கிறார்கள்.
பாரம்பரிய கலாச்சாரத்தை உடைத்தெறிந்து, மேலத்தேய கலாச்சார மோகத்தில் திளைத்திருக்கும் இன்றைய இளைய தலைமுறையினரின் ஃபாஸ்ட் ஃபுட் காதலையும், பதிவு திருமணத்தையும், சகிப்புத்தன்மையின்மை ப்ளஸ் விட்டுக் கொடுக்காத தன்மையுடனும் வாழத் தொடங்கி இருக்கும் இளம் ஆண் மற்றும் பெண் இடையே ஏற்படும் சிறிய கருத்து முரண்களுக்கான தீர்வாக விவாகரத்து வரை செல்லும் போக்கும்.. பாடலுக்கான காட்சிகளில் எதிரொலித்திருப்பதால் நவீன தலைமுறை இளசுகளுக்கு இந்தப் பாடல் பிடித்திருக்கிறது.
ஸ்ருதிஹாசனின் இனிய குரலும்… கமலஹாசனின் பாடல் வரிகள் மற்றும் காந்த குரலும்… லோகேஷ் கனகராஜின் இளமை ததும்பும் தோற்றமும், மேனரிசமும்… அனைத்து தரப்பு ரசிகர்களையும் கவர்ந்திருப்பதால்… ‘இனிமேல்’ பாடல் வெளியான குறுகிய கால அவகாசத்திற்குள் இரண்டு மில்லியனுக்கும் மேற்பட்ட பார்வையாளர்களால் பார்வையிடப்பட்டு சாதனை படைத்திருக்கிறது.
உலகநாயகன் கமல்ஹாசனின் திரையுலக சந்தை மதிப்பு சரிந்திருந்த நிலையில், அதனை ‘விக்ரம்’ எனும் படத்தின் மூலம் நிமிர வைத்து, பான் இந்திய அளவில் 100 கோடி ரூபாய் சம்பளம் வாங்கும் அளவிற்கு உயர்த்தியவர்.. அவருடைய ரசிகரும், இயக்குநருமான லோகேஷ் கனகராஜ். இதற்கு பதிலுதவியாக லோகேஷ் கனகராஜை நடிகராக்கி அழகு பார்த்திருக்கிறார் உலகநாயகன் கமல்ஹாசன். நடிகராக அவதாரம் எடுத்திருக்கும் லோகேஷ் கனகராஜிற்கு திரையுலகில் வாழ்த்துக்கள் குவிகிறது.
இதனிடையே இயக்குநர் லோகேஷ் கனகராஜ் தற்போது சுப்பர் ஸ்டார் ரஜினிகாந்த் நடிப்பில் தயாராகும் ‘தலைவர் 171’ படத்தை இயக்கி வருகிறார் என்பதும், ‘உலக நாயகன்’ கமல்ஹாசன் ‘இந்தியன் 2’, ‘இந்தியன் 3’ ஆகிய படத்தின் படப்பிடிப்பு பணிகளை நிறைவு செய்துவிட்டு, பிரபாஸ் நடிக்கும் ‘கல்கி 2898AD’ எனும் படத்தில் நடித்து வருகிறார் என்பதும் குறிப்பிடத்தக்கது.
