Tuesday, February 27, 2024

புகைப்படத் தொகுப்பு

Home சினிமா தமிழ் பட உலகின் முன்னணி டைரக்டர் கே. பாலச்சந்தர் அவசர பிரிவில் சிகிச்சை தமிழ் பட உலகின் முன்னணி டைரக்டர் கே. பாலச்சந்தர் அவசர பிரிவில் சிகிச்சை

தமிழ் பட உலகின் முன்னணி டைரக்டர் கே. பாலச்சந்தர் அவசர பிரிவில் சிகிச்சை தமிழ் பட உலகின் முன்னணி டைரக்டர் கே. பாலச்சந்தர் அவசர பிரிவில் சிகிச்சை

1 minutes read

தமிழ் பட உலகின் முன்னணி டைரக்டர் கே. பாலச்சந்தர். இவருக்கு சில தினங்களுக்கு முன் உடல் நலக்குறைவு ஏற்பட்டது. உடனடியாக அவரை ஆழ்வார்பேட்டையில் உள்ள தனியார் ஆஸ்பத்திரியில் சேர்த்தனர். அவசர பிரிவில் வைத்து டாக்டர்கள் அவருக்கு சிகிச்சை அளித்தனர்.

செயற்கை சுவாசமும் பொருத்தப்பட்டது. நேற்று பாலச்சந்தர் உடல் நிலை மோசமடைந்ததாக செய்தி பரவியது.

இதையடுத்து திரையுலகினர் பலர் ஆஸ்பத்திரியில் குவிந்தனர். நடிகர் ரஜினி காந்த், நடிகை குஷ்பு, டைரக்டர் பாரதி ராஜா, கவிஞர் வைரமுத்து உள்பட பலர் நேரில் சென்று உடல் நலம் விசாரித்தனர்.

பின்னர் ரஜினி கூறுகையில், “பாலச்சந்தர் நலமாக இருக்கிறார். நலமாக இருக்கிறீர்களா என்று அவரிடம் நான் கேட்டேன். அதற்கு சிரித்தவாறு நலமாக இருக்கிறேன் என்று பதில் அளித்தார். அவர் விரைவில் குணமடைந்து வீடு திரும்ப அனைவரும் பிரார்த்தனை செய்வோம்” என்றார்.

இது போல் நடிகை குஷ்புவும், டைரக்டர் பாலச்சந்தர் நல்ல உடல் நலத்துடன் ஆரோக்கியமாக உள்ளதாக தெரிவித்தார். பாலச்சந்தர் ஒரு மேன்மையான மனிதர், அவர் உடல் நிலைப்பற்றி யாரும் விரும்பத்தகாத வதந்திகளை பரப்ப வேண்டாம் என்றும் அவர் கேட்டுக்கொண்டார்.

டைரக்டர் வசந்த், மனோ பாலா, பிரமிட் நடராஜன், கே.எஸ் சீனிவாசன், மோகன் ராம் ஆகியோரும் நேரில் உடல் நலம் விசாரித்தார்கள்.

மருத்துவமனை சார்பில் வெளியிட்ட செய்திக் குறிப்பில், ‘84 வயதான பாலச்சந்தர் வயோதிகம் சார்ந்த பிரச்சனையாலும், காய்ச்சலாலும் பாதிக்கப்பட்டு சிகிச்சை பெற்று வருகிறார்.

தற்போதைய நிலையில் அவரது உடல் நலம் சிறப்பாக உள்ளது. தேவைப்படும் சிகிச்சை அவருக்கு வழங்கப்பட்டு வருகிறது’ என்று குறிப்பிடப்பட்டு உள்ளது.

பாலசந்தருக்கு இன்னும் தொடர்ந்து சிகிச்சை அளிக்கப்பட்டு வருகிறது.

தி.மு.க. பொருளாளர் மு.க.ஸ்டாலின் இன்று காலை ஆஸ்பத்திரிக்கு சென்று பாலச்சந்தரிடம் உடல் நலம் விசாரித்தார்.

நடிகர்கள் விஜயகுமார், ராஜேஷ், எம்.எஸ்.பாஸ்கர், நடிகை கே.ஆர்.விஜயா, டைரக்டர் விக்ரமன் ஆகியோரும் நேரில் சென்று நலம் விசாரித்தனர்.

சினிமா

விமர்சனம்

கட்டுரை

வணக்கம் இலண்டன்

Vanakkam London – Sri Lanka, London and world Latest Breaking News and Headlines

@2013 – 2024 | Vanakkam London | All Rights Reserved.

This website uses cookies to improve your experience. We'll assume you're ok with this, but you can opt-out if you wish. Accept Read More