8
பிரான்ஸ் நாட்டின் வடக்கே ரவென் நகரில் பிறந்த நாள் கொண்டாட்டத்தில் கேக்கின் மீது வைத்திருந்த மெழுகுவர்த்திகள் கீழே விழுந்து தரையில் இருந்த விரிப்பில் தீ பிடித்தது. இந்த விபத்தில் 13 பேர் பலியாகினர். 6 பேர் காயமடைந்துள்ளனர்.
இது பற்றி ரவென் நகர போலீஸ் அதிகாரி ஒருவர் செய்தியாளர்களுக்கு அளித்த பேட்டியில், கியூபா லிபெர் என்ற பெயரிடப்பட்ட பாரின் அறையில் 20 பேர் வரை இருந்துள்ளனர். கொண்டாட்டத்தில் தீ பிடித்து கரும்புகை மற்றும் நச்சு வாயுக்கள் நிரம்பியுள்ளன. அதிக அளவிலானோர் தீயினால் பலியாகியுள்ளனர்.
50க்கும் கூடுதலான தீயணைப்பு வீரர்கள் தீயை அணைக்க போராடியுள்ளனர் என கூறினார். பிரான்சின் உள்துறை அமைச்சகம், இந்த தீ விபத்து பற்றி நீதி விசாரணைக்கு உத்தரவிடப்பட்டு உள்ளது என கூறியுள்ளது.
