இந்தியா மற்றும் தென்னாபிரிக்கா அணிகளுக்கிடையிலான இரண்டாவது டெஸ்ட் போட்டியின், மூன்றாம் நாள் ஆட்டம் நிறைவுக்கு வந்துள்ளது.
இதன்படி தற்போது இரண்டாவது இன்னிங்ஸிற்காக துடுப்பெடுத்தாடிவரும் தென்னாபிரிக்கா அணி, நேற்றைய மூன்றாம் நாள் ஆட்ட நேர முடிவில், 2 விக்கெட்டுகள் இழப்புக்கு 118 ஓட்டங்களை பெற்றுக்கொண்டது.
ஆட்டநேர முடிவில், டீன் எல்கர் 46 ஓட்டங்களுடனும் ராஸ்ஸி வெண்டர் டுஸன் 11 ஓட்டங்களுடனும் ஆட்டமிழக்காது களத்தில் உள்ளனர்.
இந்தியக் கிரிக்கெட் அணியின் 240 ஓட்டங்கள் என்ற வெற்றி இலக்குடன் களமிறங்கியுள்ள தென்னாபிரிக்கா அணி, இன்னமும் 122 ஓட்டங்கள் பின்னிலையில் உள்ளது.
ஜோகனஸ்பர்க்கில் கடந்த திங்கட்கிழமை ஆரம்பமான இப்போட்டியில், நாணய சுழற்சியில் வெற்றிபெற்ற இந்தியா அணி, முதலில் துடுப்பெடுத்தாட தீர்மானித்தது.
இதன்படி முதலில் துடுப்பெடுத்தாடிய இந்தியா அணி, முதல் இன்னிங்ஸிற்காக 202 ஓட்டங்களை பெற்றுக்கொண்டது.
இதில் அணியின் அதிகப்பட்ச ஓட்டங்களாக, கே.எல். ராகுல் 50 ஓட்டங்களையும் அஸ்வின் 46 ஓட்டங்களையும் பெற்றுக்கொண்டனர்.
தென்னாபிரிக்கா அணியின் பந்துவீச்சில், மார்கோ ஜென்சன் 4 விக்கெட்டுகளையும் ராபடா மற்றும் ஒலீவர் ஆகியோர் தலா 3 விக்கெட்டுகளையும் வீழ்த்தினர்.
இதனையடுத்து பதிலுக்கு முதல் இன்னிங்சை தொடங்கிய தென்னாபிரிக்கா அணி, 229 ஓட்டங்களை பெற்றுக்கொண்டது.
இதன்போது அணியின் அதிகப்பட்ச ஓட்டங்களாக, கீகன் பீட்டர்சன் 62 ஓட்டங்களையும் டெம்பா பவுமா 51 ஓட்டங்களையும் பெற்றுக்கொண்டனர்.
இந்தியக் கிரிக்கெட் அணியின் பந்துவீச்சில், சர்துல் தாகூர் 7 விக்கெட்டுகளையும் மொஹமட் ஷமி 2 விக்கெட்டுகளையும் பும்ரா 1 விக்கெட்டினையும் வீழ்த்தினர்.
இதனைத்தொடர்ந்து 27 ஓட்டங்கள் பின்னிலையில் தனது இரண்டாவது இன்னிங்சை தொடங்கிய இந்தியக் கிரிக்கெட் அணி, 266 ஓட்டங்களை பெற்றுக்கொண்டது. இதனால் தென்னாபிரிக்கா கிரிக்கெட் அணிக்கு 240 ஓட்டங்கள் வெற்றி இலக்காக நிர்ணயிக்கப்பட்டது.
இதில் அணியின் அதிகப்பட்ச ஓட்டங்களாக, ரஹானே 58 ஓட்டங்களையும் புஜாரா 53 ஓட்டங்களையும் பெற்றுக்கொண்டது.
தென்னாபிரிக்கா கிரிக்கெட் அணியின் பந்துவீச்சில், ரபாடா, லுங்கி ங்கிடி மற்றும் மார்கோ ஜென்ஸன் ஆகியோர் தலா 3 விக்கெட்டுகளையும் ஓலிவர் 1 விக்கெட்டினையும் வீழ்த்தினர்.
தற்போது 240 என்ற வெற்றி இலக்கை நோக்கி இரண்டாவது இன்னிங்சை தொடங்கியுள்ள தென்னாபிரிக்கா அணி, நேற்றைய மூன்றாம் நாள் ஆட்ட நேர முடிவில், 2 விக்கெட்டுகள் இழப்புக்கு 118 ஓட்டங்களை பெற்றுள்ளது.
இன்னமும் 8 விக்கெட்டுகள் மற்றும் இரண்டு நாட்கள் மீதமிருக்க, இன்னும் 122 ஓட்டங்கள் தேவை என்ற நிலையில், போட்டியின் நான்காம் நாள் ஆட்டத்தை இன்று தென்னாபிரிக்கா அணி தொடரவுள்ளது.
