செய்திகள்

புகைப்படத் தொகுப்பு

Home உலகம்இலங்கை மீண்டும் விமானசேவை |இலங்கையின் சுற்றுலாத்துறையை வலுப்படுத்தும் | இந்திய ஊடகம்

மீண்டும் விமானசேவை |இலங்கையின் சுற்றுலாத்துறையை வலுப்படுத்தும் | இந்திய ஊடகம்

1 minutes read

சென்னைக்கும் யாழ்ப்பாணத்திற்கும் இடையிலான விமானபோக்குவரத்து சேவை மீண்டும் ஆரம்பிக்கப்பட்டுள்ளமை நிதிநெருக்கடியில் சிக்குண்டுள்ள இலங்கையின் சுற்றுலாத்துறைக்கு உதவும் என இந்தியாவின் நியுஸ் 18 செய்தி வெளியிட்டுள்ளது.

இது தொடர்பில் இந்திய ஊடகம் மேலும் தெரிவித்துள்ளதாவது.

இந்தியாவும் இலங்கையும் சென்னைக்கும் யாழ்ப்பாணத்திற்கும் இடையிலான விமான சேவையை மூன்றுவருடங்களின் பின்னர் மீண்டும் ஆரம்பித்துள்ளன.

கொரோனா பெருந்தொற்று காரணமாக இந்த சேவை இடைநிறுத்தப்பட்டிருந்த நிலையில் மீண்டும் இன்று ஆரம்பமாகியுள்ளது.

யாழ்ப்பாணம் சர்வதேச விமானநிலையத்தில் சென்னையிலிருந்து சென்ற முதல் விமானம் தரையிறங்கியது என இலங்கை அதிகாரியொருவர் செய்தியாளர்களிடம் தெரிவித்தார்.

அலையன்ஸ் எயர்சேவிசின் விமானம்; இலங்கை நேரப்படி 11.25க்கு தரையிறங்கியது என யாழ்ப்பாண விமான நிலைய அதிகாரிகள் தெரிவித்தனர்.

தெரிவு செய்யப்பட்ட பயணிகளுடன் ( அனேகமாக அதிகாரிகள்) தரையிறங்கிய விமானத்தை வரவேற்பதற்காக சிறிய நிகழ்வொன்றும் இடம்பெற்றது.

இந்த விமானம் 2.50க்கு சென்னை திரும்பவுள்ளது,அலையன்ஸ் எயர் பிளைட் வாரத்திற்கு நான்கு தடவைகள்   இரு நகரங்களிற்கும் இடையில் விமானசேவையை நடத்தவுள்ளது.

2019 இல் பலாலி விமானநிலையம் யாழ்ப்பாண சர்வதேச விமானநிலையம் என பெயர்மாற்றப்பட்டது – இலங்கையின் மூன்றாவது சர்வதேச விமானநிலையமாக மாறியது.

விமானநிலையத்தை மீளஅபிவிருத்தி செய்வதற்கான நிதியை இலங்கையும் இந்தியாவும் வழங்கியிருந்தன.

நிதி நெருக்கடியில் சிக்குண்டுள்ள இலங்கைக்கு வருமானம் ஈட்டித்தரும் மார்க்கமாக சுற்றுலாத்துறை காணப்படுகின்றது.

எனினும் கொரோனாபெருந்தொற்று இலங்கையின் சுற்றுலாத்துறையை முற்றாக முடக்கியுள்ளது – இலங்கை பொருளாதார நெருக்கடியை எதிர்கொள்வதற்கான முக்கிய காரணமாக அது காணப்படுகின்றது.

விமானசேவைகள் மீண்டும் ஆரம்பிக்கப்பட்டுள்ளமை நிதிநெருக்கடியில் சிக்குண்டுள்ள இலங்கையின் சுற்றுலாத்துறைக்கு உதவும் என்ற எதிர்பார்ப்பு காணப்படுகின்றது 

சினிமா

விமர்சனம்

கட்டுரை

This website uses cookies to improve your experience. We'll assume you're ok with this, but you can opt-out if you wish. Accept Read More

Adblock Detected

Please support us by disabling your AdBlocker extension from your browsers for our website.