தெற்கில் மற்றுமொரு கூட்டணியும் உதயம்!

தெற்கு அரசியலில் மற்றுமொரு புதிய கூட்டணி உதயமாகியுள்ளது.
மவ்பீம ஜனதாக் கட்சியின் தலைவரும் பிரபல வர்த்தகருமான திலித் ஜயவீர, பல அரசியல் குழுக்களுடன் இணைந்து புதிய கூட்டணியை அறிவித்துள்ளார்.சர்வஜன பலய என்ற புதிய கூட்டணி கொழும்பில் ஆரம்பிக்கப்பட்டுள்ளது.

தேசிய சுதந்திர முன்னணி சார்பில் விமல் வீரவன்ச, ஜனநாயக இடதுசாரி முன்னணி சார்பில் டி.வி.டி.திலகசிறி, பிவித்துரு ஹெல உறுமய சார்பில் உதய கம்மன்பில, மவ்பீம ஜனதாக் கட்சி சார்பில் திலித் ஜயவீர, இலங்கை கம்யூனிஸ்ட் கட்சி சார்பில் ஜி.வீரசிங்க, யுதுகம தேசிய அமைப்பு சார்பில் கெவிந்து குமாரதுங்க ஆகியோர் புதிய கூட்டணிக்கான புரிந்துணர்வு ஒப்பந்தத்தில் கைச்சாத்திட்டுள்ளனர்.