சென்னையில் வெற்றிச் செல்விக்கு விருது!

8

தமிழீழ விடுதலைப் புலிகளின் முன்னாள் போராளியும் ஈழத்தின் பிரபலமான எழுத்தாளருமான வெற்றிச்செல்விக்கு தமிழ்நாட்டை சேர்ந்த நந்தவனம் பவுண்டேசன் சாதனைப் பெண்கள் விருதினை வழங்கியுள்ளது.

இன்றைய தினம், சென்னை அருகம்பாக்கத்தில் நடைபெற்ற விருது விழாவில் ஈழ எழுத்தாளர் வெற்றிச் செல்வி இந்த விருதினை பெற்றுள்ளார்.

ஒரு போராளியின் காதலி (நாவல்), ஈழப்போரின் இறுதிநாட்கள் (கட்டுரை), குப்பி (சிறுகதை), ஆறிப்போன காயங்களின் வலி (தன் வரலாறு) போன்ற நூல்கள் வாயிலாக உலகமெங்கும் இவர் அறியப்பட்டமை குறிப்பிடத்தக்கது.