1973 ஆம் ஆண்டு கம்பஹா மாவட்டத்தின் பியகம தொகுதி ஐக்கிய தேசியக் கட்சி அமைப்பாளராக ரணில் விக்கிரமசிங்க, தனது அரசியல் செயற்பாடுகளை ஆரம்பித்தார்.
அதன் பின்னர் 1977 ஆம் ஆண்டு தொடக்கம் 2022 ஆம் ஆண்டு வரை தொடர்ச்சியாக நாடாளுமன்றத்தைப் பிரதிநிதித்துவம் செய்தார்.
கடந்த 50 ஆண்டுகால அரசியல் வரலாற்றில் நாடாளுமன்றத்தின் சபாநாயகர் பதவி தவிர்ந்த நாடாளுமன்றத்தின் ஏனைய அனைத்தப் பதவிகளையும் அவர் வகித்துள்ளார்.
அத்துடன் இலங்கை பொருளாதார ரீதியாக வீழ்ச்சியுற்று, வங்குரோத்து அடைந்திருந்த நிலையில் இந்த நாட்டின் தலைமைப் பொறுப்பை ஏற்று, மிகக் குறுகிய காலத்தில் இலங்கையைப் பொருளாதாரச் சரிவில் இருந்து மீட்டெடுத்த திறமையான அரசியல் தலைவராகவும் ரணில் விக்கிரமசிங்க பாராட்டப்படுகின்றார்.
ஜனாதிபதி பதவியில் இருந்து ஓய்வுபெற்ற பின்னர் தற்போதைக்கு சர்வதேச அரசியல் மற்றும் பொருளாதாரச் சொற்பொழிவாளராக அவர் செயற்பட்டுக் கொண்டிருக்கின்றார்.
இந்நிலையில் தனது கடந்த 50 வருட கால அரசியல் வாழ்க்கை குறித்த சுயசரிதையொன்றை எழுதும் முயற்சியில் அவர் ஈடுபட்டுள்ளார் என்று தெரியவந்துள்ளது.
