6
நேபாளத்தில் மேலும் 13 பேர் அமைச்சர்களாக வெள்ளிக்கிழமை பதவியேற்றனர்.
நேபாள பிரதமராக பிரசண்டா கடந்த ஆக. 4-ஆம் தேதி பதவியேற்றார். அவருடன் இரு துணைப் பிரதமர்கள் உள்ளிட்ட 6 அமைச்சர்கள் பதவியேற்றனர். பின்னர் அவரது நேபாள கம்யூனிஸ்ட் கட்சியைச் சேர்ந்த உறுப்பினர்களுக்கு அமைச்சர் பதவி வழங்கி தனது அமைச்சரவையை விரிவாக்கம் செய்தார். இதையடுத்து, தற்போது அவரது அரசுக்கு ஆதரவு அளித்து வரும் நேபாளி காங்கிரஸ் கட்சியைச் சேர்ந்த 13 பேர் அமைச்சர்களாக வெள்ளிக்கிழமை பதவியேற்றனர்.
முக்கியத்துவம் வாய்ந்த வெளியுறவுத் துறை அமைச்சராக பிரகாஷ் சரண் மஹத், பாதுகாப்புத் துறை அமைச்சராக பாலகிருஷ்ண காண்ட், நல்லிணக்கத் துறை அமைச்சராக சீதாதேவி யாதவ் உள்ளிட்டோர் பொறுப்பேற்றனர்.
புதிய அமைச்சர்களுக்கு அதிபர் வித்யாதேவி பண்டாரி பதவிப் பிரமாணம் செய்து வைத்தார்.
