பெண்ணொருவரின் பாவாடைக்கு கீழ் இரகசியமாக படம்பிடிப்பது சட்டவிரோதமானதல்ல என மஸாசூட்ஸ் மாநில மேல் நீதிமன்றம் தீர்ப்பளித்தமை சர்ச்சையை ஏற்படுத்தியுள்ளது.
அமெரிக்காவின் மஸாசூட்ஸ் மாநில பெண்கள் தாம் அணியும் ஆடை குறித்து மிக எச்சரிக்கையாக இருக்க வேண்டிய நிலைக்குத் தள்ளப்பட்டுள்ளனர். மஸாசூட்ஸ் மாநில சட்டத்தின்படி, தமது உடலை முற்றாக அல்லது பகுதியளவு மறைக்காமல் உள்ள மனிதர்களை படம்பிடிப்பது தொடர்பான சட்டவிதிகள் முற்றாக ஆடையணிந்தவர்களுக்கு பொருந்தமாட்டா என அந்நீதிமன்றம் தெரிவித்துள்ளது.
மஸாசூட்ஸ் மாநிலத்தின் பொதுப்போக்குவரத்து வாகனமொன்றில் (ட்ரொலி) பெண்ணொருவரின் பாவாடைக்கு கீழ் ஒருவர் இரகசியமாக படம்பிடித்தமை தொடர்பான வழக்கிலேயே இந்த அதிர்ச்சிகரமான தீர்ப்பு வழங்கப்பட்டுள்ளது. தனது அந்தரங்க பாகங்களை மறைக்கும் விதமாக பாவாடை அணிந்து ட்ரொலி ஒன்றில் பயணம் செய்யும் பெண்ணொருவர், பகுதியளவு நிர்வாணமானவர் அல்ல மஸாசூட்ஸ் மேல் நீதிமன்றம் தெரிவித்துள்ளது.
இத்தீர்ப்பை பலர் கடுமையாக விமர்சித்துள்ளனர். அதேவேளை, இத்தீர்ப்பானது சட்டத்திற்கு கீழ்படியும் விதமானது எனவும் சட்டத்திலுள்ள குறைகளை தீர்ப்பதற்கு தான் விரும்புவதாக மஸாசூட்ஸ் மாநில சபாநாயகர் ரொபர்ட் டிலியோ கூறியுள்ளார்.
0