உலகின் மிகப் பெரிய கோவில்களில் ஒன்றாக, அமெரிக்காவின் நியூஜெர்சி மாகாணத்தில், 120 கோடி ரூபாய் செலவில் கட்டப்பட்டுள்ள சுவாமி நாராயண் கோவில், இம்மாதம் 16ல், பக்தர்கள் தரிசனத்திற்காக திறக்கப் படுகிறது.
அமெரிக்காவில் அதிக இந்தியர்கள் வசிக்கும், நியூஜெர்சி மாகாணத்தின், ராபின்ஸ்வில்லி நகரில் இந்த கோவில் கட்டப்பட்டு வந்தது. மொத்தம், 134 அடி நீளம், 87 அடி அகலம் கொண்ட இந்தக் கோவிலை, சுவாமி நாராயண் சஸ்தா எனப்படும் அமைப்பு கட்டியுள்ளது.
