ஆண்டின் இறுதி கிராண்ட்ஸ்லாம் அந்தஸ்து பெற்ற அமெரிக்க பகிரங்க டென்னிஸ், தற்போது விறுவிறுப்புக்கு பஞ்சமில்லாமல் நடைபெற்று வருகின்றது.
இதில் தற்போது நடைபெற்று முடிந்துள்ள ஆண்கள் மற்றும் பெண்களுக்கான ஒற்றையர் பிரிவு முதல் சுற்றுப் போட்டிகளின் முடிவுகளை பார்க்கலாம்.
முதலாவதாக ஆண்களுக்கான ஒற்றையர் பிரிவு முதல் சுற்றுப் போட்டிகளின் முடிவுகளை பார்க்கலாம்.
இதில், ஆண்களுக்கான ஒற்றையர் பிரிவு முதல் சுற்றுப் போட்டியில் ஸ்பெயினின் ரொபர்டோ பாடிஸ்டா அகுட், அவுஸ்ரேலியாவின் நிக் கிர்கியோசை எதிர்கொண்டார்.
இப்போட்டியில், ரொபர்டோ பாடிஸ்டா அகுட், 6-3, 6-4, 6-0 என்ற நேர் செட் கணக்குகளில் வெற்றிபெற்று இரண்டாவது சுற்றுக்கு முன்னேறினார்.
இரண்டாவது ஆண்களுக்கான ஒற்றையர் பிரிவு முதல் சுற்றுப் போட்டியில், ரஷ்யாவின் டேனில் மெட்வேடவ், பிரான்ஸின் ரிச்சர்ட் கேஸ்கெட்டுடன் மோதினார்.
இப்போட்டியில், டேனில் மெட்வேடவ், 6-4, 6-3, 6-1 என்ற நேர் செட் கணக்குகளில் வெற்றிபெற்று இரண்டாவது சுற்றுக்கு தகுதிபெற்றார்.
மூன்றாவது ஆண்களுக்கான ஒற்றையர் பிரிவு முதல் சுற்றுப் போட்டியில், பிரித்தானியாவின் என்டி முர்ரேவும், கிரேக்கத்தின் ஸ்டெபீனோஸ் சிட்ஸிபாசும் போட்டியிட்டனர்.
இப்போட்டியில், ஸ்டெபீனோஸ் சிட்ஸிபாஸ், 2-6, 7-6, 3-6, 6-3, 6-4 என்ற செட் கணக்குகளில் வெற்றிபெற்று மூன்றாவது சுற்றுக்குள் நுழைந்தார்.
இதேபோல பெண்களுக்கான ஒற்றையர் பிரிவு முதல் சுற்றுப் போட்டியில், ஜப்பானின் நவோமி ஒசாகாவும், செக்குடியரசின் மேரி பவுஸ்கோவாவும் மோதினர்.
இப்போட்டியில் ஜப்பானின் நவோமி ஒசாகா 6-4, 6-1 என்ற செட் கணக்குகளில் வெற்றிபெற்ற இரண்டாவது சுற்றுக்கு தகுதிபெற்றார்.
பெண்களுக்கான ஒற்றையர் பிரிவு முதல் சுற்றுப் போட்டியில், அமெரிக்காவின் கோகோ கோஃப், போலந்து வீராங்கனை மக்டா லினெட்டை எதிர்கொண்டார்.
இப்போட்டியில், கோகோ கோஃப், 5-7, 6-3, 6-4 செட் கணக்குகளில் வெற்றிபெற்று இரண்டாவது சுற்றுக்குள் அடியெடுத்து வைத்தார்.
