Thursday, March 28, 2024

செய்திகள்

புகைப்படத் தொகுப்பு

Home செய்திகள் மகளிர் இருபது- 20 | ஐக்கிய அரபு இராச்சியத்தை வெற்றிகொண்ட இலங்கை

மகளிர் இருபது- 20 | ஐக்கிய அரபு இராச்சியத்தை வெற்றிகொண்ட இலங்கை

2 minutes read

சில்ஹெட்டில் நடைபெற்றுவரும் மகளிர் இருபது 20 ஆசிய கிண்ண கிரிக்கெட் போட்டியின் 4ஆவது ஆட்டத்தில் ஐக்கிய அரபு இராச்சியத்தை டக்வேர்த் லூயிஸ் முறைமையில் 11 ஓட்டங்களால் இலங்கை வெற்றிகொண்டது.

இரண்டாவது தடவையாக துடுப்பாட்டத்தில் பிரகாசிக்கத் தவறிய இலங்கை 20 ஓவர்களில் 9 விக்கெட்களை இழந்து 109 ஓட்டங்களை மாத்திரமே பெற்றது.

அணித் தலைவி சமரி அத்தப்பத்து துடுப்பாட்டத்தில் பிரகாசிக்கத் தவறிவருவது அணிக்கு நெருக்கடியைக் கொடுப்பதாக அமைகிறது.

ஹர்ஷிதா சமரவிக்ரம (37), நிலக்ஷி டி சில்வா (19), அனுஷ்கா சஞ்சீவனி (17) ஆகிய மூவரே இரட்டை இலக்க எண்ணிக்கைகளைப் பெற்றனர்.

Theertha Satish plays a sweep, Sri Lanka vs United Arab Emirates, Women's T20 Asia Cup, Sylhet, October 2, 2022

ஐக்கிய அரபு இராச்சிய பந்துவீச்சில் வைஷ்ணவி மஹேஷ் 15 ஓட்டங்களுக்கு 3 விக்கெட்களையும் மஹிகா கோர் 21 ஓட்டங்களுக்கு 3 விக்கெட்களையும் சமய்ரா தார்ணிதர்கா 18 ஓட்டங்களுக்கு 2 விக்கெட்களையும் கைப்பற்றினர்.

110 ஓட்டங்கள் என்ற சுமாரான வெற்றி இலக்கை நோக்கி பதிலுக்கு துடுப்பெடுத்தாடிய ஐக்கிய அரபு இராச்சியம் 3 ஓவர்கள் நிறைவில் ஒரு விக்கெட்டை இழந்து 17 ஓட்டங்களைப் பெற்றிருந்தபோது சீரற்ற காலநிலை காரணமாக ஆட்டம் தடைப்பட்டது.

Sugandika Kumari celebrates dismissing Theertha Satish, Sri Lanka vs United Arab Emirates, Women's T20 Asia Cup, Sylhet, October 2, 2022

சுமார் ஒன்றரை மணித்தியாலத்தின் பின்னர் ஆட்டம் தொடர்ந்தபோது ஐக்கிய அரபு இராச்சியத்தின் வெற்றி இலக்கு டக்வேர்த் லூயிஸ் முறைமையின் பிரகாரம் 11 ஓவர்களில் 66 ஓட்டங்கள் என நிர்ணயிக்கப்பட்டது.

ஆனால், ஐக்கிய அரபு இராச்சியம் 11 ஓவர்கள் நிறைவில் 7 விக்கெட்களை இழந்து 54 ஓட்டங்களை மாத்திரம் பெற்று தோல்வி அடைந்தது.

இலங்கை பந்துவீச்சில் காவிஷா டில்ஹாரி, இனோக்கா ரணவீர ஆகிய இருவரும் ஒரே மாதிரியாக 7 ஓட்டங்களுக்கு 2 விக்கெட்களை வீழ்த்தினர்.

சினிமா

விமர்சனம்

கட்டுரை

வணக்கம் இலண்டன்

Vanakkam London – Sri Lanka, London and world Latest Breaking News and Headlines

@2013 – 2024 | Vanakkam London | All Rights Reserved.

This website uses cookies to improve your experience. We'll assume you're ok with this, but you can opt-out if you wish. Accept Read More