கிளிநொச்சியில் குளத்திலிருந்து இளைஞரின் சடலம் மீட்பு!

1

கிளிநொச்சி, பொலிஸ் பிரிவுக்குட்பட்ட விநாயகபுரம் – கந்தன் குளத்தில் இளைஞர் ஒருவரின் சடலம் ஒன்று மீட்கப்பட்டுள்ளது.

முல்லைத்தீவு, மல்லாவி ஐயங்கன் குளத்தைச் சேர்ந்த பகிரதன் சுமன் என்ற 21 வயதுடைய இளைஞரே சடலமாக மீட்கப்பட்டுள்ளார்.

கிளிநொச்சி மாவட்ட நீதிமன்ற நீதிவானின் அனுமதியுடன் சடலம் நேற்று மாலை மீட்கப்பட்டு, பிரேத பரிசோதனைகளின் பின்னர் உறவினரிடம் ஒப்படைக்க நடவடிக்கை எடுக்கப்பட்டுள்ளது என்று கிளிநொச்சி பொலிஸார் தெரிவித்துள்ளனர்.

சம்பவம் தொடர்பாக மேலதிக விசாரனைகளைக் கிளிநொச்சி பொலிஸார் முன்னெடுத்து வருகின்றனர்.