ஒரே நேரத்தில் மாமா மற்றும் மருமகன் படங்களில் சிவராஜ்

0

சூப்பர் ஸ்டார் ரஜினிகாந்த் நடித்து வரும் ‘ஜெயிலர்’ திரைப்படத்தில் முக்கிய வேடத்தில் நடித்து வரும் பிரபல நடிகர் ஒருவர், தனுஷ் நடித்து வரும் ’கேப்டன் மில்லர்’ படத்திலும் நடிக்க இருப்பதாக தகவல் வெளியாகி உள்ளது.

சூப்பர் ஸ்டார் ரஜினிகாந்த் நடிப்பில், நெல்சன் இயக்கத்தில் உருவாகி வரும் ‘ஜெயிலர்’ படத்தில் கன்னட சூப்பர் ஸ்டார் சிவராஜ்குமார் முக்கிய வேடத்தில் நடிக்கவிருக்கின்றார் என்பது தெரிந்ததே.

இந்த நிலையில் நடிகர் சிவராஜ்குமார் தற்போது தனுஷ் நடித்து வரும் ’கேப்டன் மில்லர்’ படத்திலும் முக்கிய வேடத்தில் நடிக்க இருப்பதாக கூறப்படுகிறது. ’கேப்டன் மில்லர்’ படத்தின் முதல் கட்ட படப்பிடிப்பு சமீபத்தில் முடிந்த நிலையில் அடுத்தகட்ட படப்பிடிப்பில் சிவராஜ்குமார் கலந்து கொள்வார் என்று எதிர்பார்க்கப்படுகிறது.