வருகிற செப்டம்பர் மாதம் அமெரிக்காவில் 5 நகரங்களில் இசை நிகழ்ச்சிகளை நடத்தவுள்ளார் பிரபல இசையமைப்பாளர் இளையராஜா.
சான் பிரான்சிஸ்கோ, டலாஸ், அட்லாண்டா, நியூ ஜெர்ஸி, வாசிங்டன் டிசி என 5 நகரங்களில் இசை நிகழ்ச்சிகள் நடைபெற உள்ளன.
1992-ல் உருவான கலாலயா யூ.எஸ்.ஏ. என்கிற அமைப்பின் இந்தியக் கலையை மேம்படுத்தும் முயற்சியில் ஒரு நிகழ்வாக இளையராஜாவின் இசை நிகழ்ச்சிகள் நடைபெற உள்ளன. சமீபத்தில் வெளிவந்த தாரை தப்பட்டை, இளையராஜாவின் 1000-வது படம் என அறிவிக்கப்பட்டது. அதைக் கெளரவப்படுத்தும் விதமாகவும் இந்நிகழ்ச்சிகள் நடைபெறுகின்றன.
முதல்முதலாக அமெரிக்காவில், 2013-ல் இசை நிகழ்ச்சிகளை நடத்தினார் இளையராஜா. அதன்பிறகு இப்போதுதான் இசை நிகழ்ச்சிகளை நடத்த மீண்டும் அமெரிக்காவுக்கு வருகை தருகிறார். இளையராஜாவுடன் 50 இசைக்குழுவினரும் பிரபல பாடகர்களும் இந்த இசை நிகழ்ச்சிகளில் பங்கேற்பார்கள் என்று கூறப்பட்டுள்ளது.
