1
தாய்லாந்து, Uthai Thani மாநிலத்தில் இருக்கும் Wat Khao Phraya பாடசாலை மாணவர்களை ஏற்றிச்சென்ற பஸ் திடீரென தீப்பிடித்திருப்பதாக அந்நாட்டு ஊடகங்கள் செய்தி வெளியிட்டுள்ளன.
இந்த பஸ்ஸில் 44 மாணவர்களும் ஆசிரியர்களும் பயணம் செய்ததாகவும் பஸ் தீப்பிடித்ததில் 25 பேர் வரை உயிரிழந்துள்ளதாக அச்சம் வெளியிடப்பட்டுள்ளது.
சுமார் 16 மாணவர்களும் 3 ஆசிரியர்களும் எரிந்துகொண்டிருந்த பஸ்ஸில் இருந்து மீட்கப்பட்டு சிகிச்சைக்காக வைத்தியசாலையக்கு அனுப்பப்பட்டதாக தாய்லாந்து போக்குவரத்து அமைச்சர் சூர்யா ஜுவாங்ரூங்ரூங்கிட் தெரிவித்துள்ளார்.
இந்த தீப்பிடிப்பு சம்பவத்திற்கான காரணம் குறித்து விசாரணை நடத்தப்பட்டு வருகிறது.
