உலகம் முழுவதும், கோடி மக்களால் பயன்படுத்தப்படும், சமூக வலைதளமான, ‘பேஸ்புக்’கில், ‘லைக், கமென்ட், ஷேர்’ பொத்தான்களுடன், கூடுதலாக சில, உணர்வுகளை வௌிப்படுத்தும் பொத்தான்களும் அறிமுகப்படுத்தப்பட்டுள்ளன.
பேஸ்புக் சமூக வலைதளத்தில் கணக்கு வைத்திருப்பவர்களுக்கு வரும் படங்கள், செய்திகளுக்கு, ‘லைக்’ எனப்படும், விருப்பத்தை தெரிவிக்கலாம்; அது தொடர்பாக, ‘கமென்ட்’ எனப்படும், தங்கள் கருத்தை தெரிவிக்கலாம்; ‘ஷேர்’ எனப்படும், பொத்தானை அழுத்தி, பிற நண்பர்களுக்கு பகிரலாம்.இந்த பொத்தான்களுடன், இப்போது, ‘லவ், ஹாஹா, வாவ், சேட் அல்லது ஆங்கிரி’ எனப்படும், ‘விரும்புகிறேன், சிரிப்பை வரவழைக்கிறது, வாவ் – ஆச்சர்யம், சோகம் அல்லது கோபத்தை ஏற்படுத்துகிறது’ போன்ற உணர்வுகளையும் தெரிவிக்க முடியும்.இந்த வசதி, நேற்று முதல், பெரும்பாலான பேஸ்புக் கணக்குகளுக்கு கிடைத்துள்ளதாக, அதன் நிர்வாகிகளில் ஒருவரான சம்மி குருக், தெரிவித்துள்ளார்.
