முகத்திற்கும் சருமத்திற்கும் மணிக்கணக்கில் செலவிடுகிறோம். கழுத்தை கவனிக்கிறோமா? கழுத்துப்பகுதியை சீராக்கும் பயிற்சிகள். பரிந்துரைக்கிறார் ஃபாயே ரெமிடியாஸ்.
கோடுகளை அகற்ற
“கழுத்து, கைகளின் பின் பகுதி உங்கள் வயதை உணர்த்தக்கூடியவை. கழுத்திற்கும் கவனம் தருவது அவசியம். சீரான பயிற்சியும் தேவை” என்கிறார் காஸ்மெட்டிக் மருத்துவரான டாக்டர் ஜமுனா பை.
எப்படி: முதுகை நேராக வைத்தபடி கண்ணாடி முன் நின்றபடி அல்லது அமர்ந்து இதைச் செய்யலாம். நாடியை முன்பக்கம் நீட்டி, தலையை அசைக்காமல் தாடையை இறக்கவும். இது உங்கள் வாயை திறக்கச்செய்யும். அதே நிலையில், நன்கு அகலமாக பல் தெரிய சிரிக்கவும். பிறகு வாயை மூடவும். கீழ்த்தாடை மற்றும் கழுத்தில் தசைகளின் இறுகியத்தன்மையை உணரவும். பல் தெரிய சிரித்தபடி ரிலாக்ஸ் செய்து, மூச்சை இழுத்துவிடவும். அதே போல வாயை பத்து முறை திறந்து மூடவும். கிழ்த்தாடையை தாழ்த்தி, உயர்த்தவும். வாரம் மூன்று முறை, மூன்று செட்கள் செய்யவும்.
குறிப்பு: “இந்தப் பயிற்சி கழுத்தை சுற்றியுள்ள கோடுகளை நீக்கி, சருமத்தை வலுவாக்கி, தாடையை சீராக்குகிறது. பயிற்சியின் போது, தாடையை தாழ்த்தி உயர்த்துவதில் கவனம் தேவை. பற்களை கடிக்காமல் இருக்கவும்.’’
தொய்வை வெல்ல
“முகத்தின் மற்ற பகுதிகளை விட கழுத்து விரைவாக தொய்வடைகிறது. புவியீர்ப்பு, உடல் கூறு, சரும நலன், உணவுப்பழக்கம் ஆகியவை இதற்கு காரணம். கழுத்து பின் பகுதியில் மட்டும்தான் ஆதரவாக எலும்பு அமைப்பு இருக்கிறது. கழுத்தின் மற்ற தசைகளுக்கு அத்தனை சப்போர்ட் இருப்பதில்லை. எனவே கழுத்து, அதன் கொழுப்பு பகுதி புவியீர்ப்புக்கு இலக்காவது எளிது” என்கிறார் ஐயானா வெல்னஸ் உரிமையாளர் மினால் போட்னிஸ்.
எப்படி: கழுத்தை ஸ்ட்ரெட்ச் செய்யவும். 10 எண்ணும் வரை இப்படி வைத்திருக்கவும். கழுத்து மற்றும் கன்னம் நீள்வதை உணர்வும். இவ்வாறு மூன்று முறை செய்யவும்.
குறிப்பு: “இந்த பயிற்சி சீலிங் ஸ்டிரெச்சர் எனப்படுகிறது. பிலாடிஸ்மா தசையில் செயல்படுவதன் மூலமாக
இந்தப் பயிற்சி கழுத்துப் பகுதியில் ஏற்படும் பாதிப்பை தடுக்கிறது அல்லது சீராக்குகிறது. இந்த கழுத்து தசை மற்ற தசைகள் போல் அல்லாமல் சருமத்துடன் நேரடியாக இணைக்கப்பட்டுள்ளது. பலவீனமான பிலாட்ஸ்மா தசை சுவாசத்தின் தன்மை, தைராய்டு சுரப்பி செயல்பாடு மற்றும் முழுங்குவதை பாதிக்கலாம். நீள வாட்டிலான சுருக்கம் மற்றும் எதிர்வினை ச்ருக்கத்தையும் உண்டாக்கலாம்” என்கிறார் மினால்.
அழுத்தம் வேண்டாம்
இறுக்கமான கழுத்திற்கு, ஹாலோ வெல்னஸ் யோகா பயிற்சியாளர் அனிதா வாஸ்வணி எளிய தீர்வு சொல்கிறார். “கழுத்தை எளிமையாக சுற்றுவது ஒட்டுமொத்த நரம்பு மண்டலத்தையும் இளகச்செய்து, உத்வேகம் அளிக்கிறது. மூளையில் இருந்து நரம்புகள் பல்வேறு செய்திகளுடன் கழுத்து வழியே உடலின் மற்ற பகுதிக்கு செல்கின்றன. கழுத்து இறுக்கம், உடல், மன பிரச்சனைகளோடு, செக்ஸ் வாழ்க்கையில் சிக்கல் உண்டாகலாம். கழுத்தை எளிதாக காயப்படுத்திக்கொள்ளக்கூடும் என்பதால் இப்பயிற்சியை கவனமாக செய்ய வேண்டும். ஆரம்பத்தில் மூன்று மணிக்கு ஒரு முறை செய்யவும். ஆழமாக மூச்சு விட்டு, கவனத்தை கழுத்துக்கு கொண்டு வரவும். ஒவ்வொரு திசையிலும் 5 சுற்று செய்ய மூன்று நிமிடங்களுக்கு குறைவாகவே தேவைப்படும்.”