பெண் குயின் | கேசுதன்

5

மலர்மாலை சூடும் கழுத்ததனில்
கருடன் விஷம்தனை அணிந்த
காட்டாறு-அவள்
சாவுக்கும் கனவு காணும்
கற்பனையோ
செருக்குடன் தனியாக மிரட்டும்
மறவர் அணி
பூ சூடும் வயதில் வாகைசூடும் வரம் பெற்ற
மங்கையவள்
வரலாறு காணாத வம்சம் என
பேரெடுக்கும் மோகம்-அவள்
தாயாகும் வயதில் பேயாக நின்று
கொலைக்களம் புகுந்த
வீரமங்கையவள்
கலைகளும் கற்று படைக்களம்
புகுந்த போராளி-அவள்
பட்டதும் பாடம் புகட்டும் திமிர்பிடித்த
வேங்கையவள் கண்கள்
தூண்டும் துப்பாக்கியும் வெறிகொண்டு வீசும்
தோட்டாகளை
வெறிபிடித்த வீரம் பேசும்-அவள்
தொட்ட துப்பாக்கி
பெண் என்ற குயின் புகழ் பாடும்
அவன் அரசில்.

கேசுதன்