பெற்றோரை விட பெற்றோலை மதிப்பாய்
டீச்சரை விட டீசலை மதிப்பாய்
கேஸ் விற்பவன் தெய்வமாவான்
பால்மா தருபவன் பகவான் ஆவான்
சீமெந்தெல்லாம் சீதனமாகும்
சீனி கூட நூதனமாகும்
வாழ்க்கையில் கொஞ்சமும் கலரிருக்காது
உன் நாட்டில் ஒன்றேனும் டொலரிருக்காது
லங்கனாக வாழ்ந்து பார்…
உண்ண உணவிருக்காது உக்ரைனுக்காக உருகுவாய்
பிறகு கடனாலும், அடகாலும் மீள முடியாமல் இறுகுவாய்
அடுத்தவேளை வயிறு செல்லும் பட்டினிக்கு – ஆனால் FB யில் அறிவுரை சொல்வாய் புட்டினுக்கு
உரமில்லாமல் நிலமெல்லாம் வரண்டு போகும்
கண்ட கண்ட நேரமெல்லாம் கரண்டு போகும்
மொத்தத்தில்
நரகத்தின் பகுதியெல்லாம் View ஆகும்
ஆங்கிலத்தில் பிடிக்காதது Q ஆகும்
லங்கனாக வாழ்ந்து பார்…
நன்றி – பேஸ்புக்
எழுதியவரின் பெயர் அறியப்படாத இந்தப் பதிவு தற்போதைய இலங்கை பொருளாதார நெருக்கடிச் சூழலில் சமூக வலைத்தளங்களில் அதிகமாக பகிரப்படுகிறது. நன்றியுடன் இங்கே மீள் பிரசுரம் செய்கிறோம்.
