நீரிழிவு நோயால் பாதிக்கப்பட்ட பெரும்பாலான மக்கள் இனிப்பு அல்லது கூடுதல் சர்க்கரையை உட்கொள்வதை தவிர்க்கிறார்கள். எனினும் பழங்களில் இயற்கையாகவே சர்க்கரை உள்ளது. இதனால் சர்க்கரை நோயாளிகள் பழங்கள் எடுப்பதில் குழப்பமடைகிறார்கள். இனிப்புகள் தீவிரம் வெவ்வேறு பழங்களை பொறுத்து மாறுபடும்.
மாம்பழம் இனிமையானவை. கிவி அல்லது ஆரஞ்சு போன்ற பழங்கள் இனிப்பு உடன் புளிப்பும் சேர்ந்த சுவையில் இருக்கும். இனிப்பின் தீவிரம் மற்றும் உணவுகளில் உள்ள சர்க்கரை அளவை தீர்மானிக்க தான் கிளைசெமிக் இண்டெக்ஸ் என்னும் அளவு முறை உருவாக்கப்பட்டது. கிளைசெமிக் இண்டெக்ஸ் என்பது உனவுகளில் உள்ள கார்போஹைட்ரேட்டின் இரத்த சர்க்கரை அளவை எப்படி பாதிக்கிறது என்பதை பொறுத்து தரவரிசைப்படுத்துவதாகும். சர்க்கரை நோயாளிகள் தங்கள் உணவை நிர்வகிக்கும் போது ஜி ஐ என்பது மிக முக்கியமானது.
கோடைக்கால பழங்களில் சர்க்கரை நோயாளிகள் எடுத்துகொள்ள வேண்டியவை என்னென்ன என்பதை இங்கு பார்க்கலாம்.
ஆரஞ்சு
வைட்டமின் சி நிறைந்த பழங்களில் ஆரஞ்சு அருமையான பழம் என்றே சொல்லலாம். புளிப்பும் இனிப்பும் நிறைந்த நீர்ச்சத்து மிக்க பழம் இது. இது உங்கள் இரத்த சர்க்கரை அளவை அதிகரிக்க செய்யாது. நடுத்தர அளவிலான ஆரஞ்சு பழத்தில் 12 கிராம் சர்க்கரை மற்றும் 70 கலோரிகள் மட்டுமே உள்ளது.
ஆரஞ்சு பொட்டாசியம் மற்றும் ஃபோலேட் கொண்டுள்ளது. இது இரத்த அழுத்தத்தை சீராக்க உதவுகிறது. தினமும் ஒரு ஆரஞ்சு பழம் சேர்க்கலாம். சாறாக இல்லாமல் பழத்தை அப்படியே எடுப்பது நல்லது.