இரவு உணவை மிகவும் தாமதமாக எடுத்துக் கொள்ளும்போது, அது நம்முடைய ஒட்டுமொத்த உடலின் ஆரோக்கியமும் கெட்டுப் போகும். தாமதமாக சாப்பிடுவதன் மூலம் முதலில் கெட்டுப் போவது நம்முடைய தூக்க சுழற்சி. இரவு உணவை தாமதமாக எடுத்துக் கொள்ளும்போது தூக்கம் கெட்டுப் போகும்போது உடலின் குடல் இயக்கம் முதல் ஜீரண மண்டல பாதிப்புகள் வரை நிறைய பிரச்சினைகளை ஏற்படுத்துகின்றன.
எந்த நேரத்தில் எடுத்துக் கொள்ள வேண்டும்?
இரவு உணவை முடிந்தவரையில் இரவு 7 மணியிலிருந்து 8.00 மணிக்குள்ளாக எடுத்துக் கொள்வது நல்லது.
இன்னும் தெளிவாக சொல்ல வேண்டுமென்றால் நாம் இரவு தூங்குவதற்கு 3 முதல் 4 மணி நேரத்திற்கு முன்பாக, சாப்பிட்டு முடித்திருக்க வேண்டும். அப்படி செய்வதன் மூலம் உடலில் என்ன மாதிரியான மாற்றங்கள் உண்டாகும். குறிப்பாக ரத்த அழுத்தம் குறைவது, உடல் பருமன் ஆகியவற்றைத் தடுக்கும்.
இரவு உணவு : செரிமானத்தை மேம்படுத்த
நம்முடைய இரவு உணவை மிகவும் சீக்கிரமாக சாப்பிட்டு முடித்தால் அது நம்முடைய செரிமான அமைப்புக்கு நாம் செய்யும் மிகப்பெரிய உதவியாக இருக்கும். செரிமான அமைப்புக்கு ஒரே இரவில் ஓய்வு கொடுக்க உதவுகிறது.
நம்முடைய வயிறு மற்றும் குடலில் உள்ள அமிலம் மற்றும் நொதிகளின் சுரப்பு இரவு நேரத்தில் குறைந்து கொண்டே போகும். அதனால் நாம் உண்ணும் உணவு மிக எளிமையாக ஜீரணமாக ஆரம்பிக்கும். அதனால் மலச்சிக்கல் போன்ற பிரச்சினைகள் தீரும்.
இரவு உணவு : அசிடிட்டி
சிலருக்கு சாப்பிட்டு முடித்ததும் வயிறு கனமாக இருக்கும். அதேபோல அசிடிட்டி பிரச்சினை உண்டாகும். அதற்கு மிக முக்கியமான காரணமே நாம் இரவு நேரத்தில் மிகவும் தாமதமாக சாப்பிடுவது தான்.
அதனால் ஆசிடிட்டி பிரச்சினையால் அவதிப்படுகிறவர்கள் முடிந்தவரையில் இரவு உணவை 7.30 மணிக்கு முன்பாக முடித்துக் கொள்வது நல்லது. அது குடலில் ஏற்படும் அமிலத்தன்மையைக் குறைக்க உதவும்.
இரவு உணவு : விரதம் போல கடைபிடிக்கவும்
நீண்ட நேரம் சாப்பிடாமல் இருப்பதை தான் பொதுவாக விரதம் என்று அழைப்போம். அப்படி மாதத்தில் ஒரு நாள் விரதம் இருப்பது நல்லது நிறைய ஆரோக்கிய நன்மைகளைத் தரும் என்று சொல்வார்கள்.
ஆனால் நம்முடைய உணவு முறையை சரியான நேரத்திற்கு அமைத்துக் கொண்டாலே அதற்குள்ளேயே விரதத்தையும் உள்ளடக்கி அதற்கான நன்மைகளையும் பெற முடியும்.
இரவு உணவை சீக்கிரமாக எடுத்துக் கொள்ளும்போது அடுத்த நாள் காலையில் சாப்பிடுவதற்கு இடையே கிட்டதட்ட 12 மணி நேரம் உங்களுககு நேரம் கிடைக்கும். அது ஒரு நாள் விரதம் இருப்பதற்கு சமம். இதனால் அதிக நேரம் தூங்கவும் முடியும். விரதத்தின் பயன்களும் கிடைக்கும்.
இரவு உணவு : தூக்கமின்மை
இரவு உணவை மிக தாமதமாக எடுத்துக் கொள்ளும்போது உங்கள் உடல் உணவை ஜீரணிக்க அதிகமாக சிரமப்படும். அதனால் தூக்கமின்மை பிரச்சினை உண்டாகும்.
இரவு உணவை மிக சீக்கிரமாக எடுத்துக் கொள்ளும்போது உணவு செரிமானம் சீராக நடக்கும். ஜீரண மண்டலமும் ஆரோக்கியமாக இருக்கும். அதனால் வயிற்றுப் பொருமல், உப்பசம் போன்ற வயிறு அழுத்தப் பிரச்சினைகள் எதுவும் இல்லாமல் நல்ல ஆழ்ந்த தூக்கத்தைப் பெற முடியும்.
