தமிழ் திரை உலகில் முன்னணி நடிகைகளில் ஒருவரான வரலட்சுமி சரத்குமார் கதையின் நாயகியாக நடிக்கும் புதிய படத்திற்கு, ‘சபரி’ என பெயரிடப்பட்டு, அதன் ஃபர்ஸ்ட் லுக் வெளியிடப்பட்டிருக்கிறது.
இயக்குநர் அனில் காட்ஸ் இயக்கத்தில் தயாராகும் புதிய திரைப்படம் ‘சபரி’. இதில் கதையின் நாயகியாக வரலட்சுமி சரத்குமார் நடிக்க, அவருடன் நடிகர்கள் கணேஷ் வெங்கட்ராமன், சஷாங், மைம் கோபி உள்ளிட்ட பலர் நடிக்கிறார்கள்.
நானி சமிடிசெட்டி ஒளிப்பதிவு செய்யும் இந்த படத்திற்கு கோபி சுந்தர் இசையமைக்கிறார்.
உளவியல் திரில்லர் ஜேனரில் பிரம்மாண்டமாக தயாராகும் இந்தப் படத்தை மகா மூவிஸ் என்ற நிறுவனத்தின் சார்பில் தயாரிப்பாளர் மகேந்திர நாத் தயாரிக்கிறார்.
இப்படத்தின் படப்பிடிப்பு விரைவில் ஹைதராபாத்தில் தொடங்கவிருக்கிறது இதனை தொடர்ந்து இப்படத்தின் ஃபர்ஸ்ட்லுக் வெளியிடப்பட்டிருக்கிறது.
ஃபர்ஸ்ட் லுக்கில் நடிகை வரலட்சுமி சரத்குமாரின் தோற்றமும், அவருடைய கதாபாத்திர வடிவமைப்பும் நுட்பமாக விளக்கப்பட்டிருப்பதால் இணையவாசிகளிடம் பெரும் வரவேற்பை பெற்று வருகிறது.
