குழம்பு பொடியை கடைகளில் வாங்கி குழம்புக்கு போட்டு இருப்பீங்க. இதை வீட்டிலேயே செய்வது மிகவும் சுலபம். இன்று இந்த பொடியை செய்வது எப்படி என்று பார்க்கலாம்.
தேவையான பொருள்கள்
மிளகாய் வத்தல் -20 கொத்தமல்லி – 50 கிராம்
மிளகு – 3 மேஜைக்கரண்டி
சீரகம் – 3 மேஜைக்கரண்டி
கறிவேப்பிலை – ஒரு கைப்பிடி அளவு
செய்முறை
அடுப்பில் கடாயை வைத்து சூடானதும் மிதமான சூட்டில் வைத்து மிளகாய் வத்தல், கொத்தமல்லி, மிளகு மூன்றையும் தனித்தனியாக போட்டு வறுக்கவும். நன்கு வறுபட்டவுடன் அடுப்பை அணைத்து விட்டு சீரகம், கறிவேப்பிலை இரண்டையும் சேர்த்து கிளறி சிறிது நேரம் ஆற விடவும்.
நன்றாக ஆறிய பின் மிக்ஸ்சியில் போட்டு திரிக்கவும்.
திரித்த பொடியை ஒரு பேப்பரில் பரப்பி ஆறவிடவும்.
ஆறியபின் ஒரு காற்றுப்புகாத பாட்டிலில் போட்டு மூடி வைக்கவும். குழம்பு பொடி ரெடி.
குறிப்பு
இந்த குழம்பு பொடியை மட்டன் குழம்பு, சிக்கன் குழம்பு, முட்டை குழம்பு, கூட்டு வகைகள் அனைத்திலும் உபயோகபடுத்தலாம்.
நன்றி | மாலை மலர்
