உடலில் உள்ள கெட்ட கொழுப்பை வெளியேற்றும் ஜூஸ்

ரத்த அழுத்தம் உள்ளவர்கள், இதய நோயால் பாதிக்கப்பட்டவர்கள் இந்த முட்டைக்கோஸ் சாரை குடித்து வந்தால் உடலில் இருக்கும் கெட்ட கொழுப்பு தானாகவே வெளியேறிவிடும்.

தேவையான பொருட்கள்

முட்டைக்கோஸ் – 50 கிராம் மிளகு – 10
தண்ணீர் – 1 கப்
உப்பு – தேவைக்கு
இஞ்சி – சிறிய துண்டு
எலுமிச்சை சாறு – 1 டீஸ்பூன்

செய்முறை

முட்டைக்கோஸை பொடியாக வெட்டிக்கொள்ளவும்.

மிக்சியில் நறுக்கிய முட்டைக்கோஸை போட்டு அதனுடன் இஞ்சி, மிளகு போட்டு நன்றாக அரைத்துக் கொள்ள வேண்டும். கொஞ்சமாக தண்ணீர் விட்டு அரைத்துக் கொள்ளுங்கள்.

நன்றாக அரைந்ததும் இந்த ஜூஸை ஒரு வடிகட்டியின் மூலம் வடிகட்டி சாரை பிழிந்து எடுத்துக் கொள்ள வேண்டும்.

ஒரு டம்ளர் அளவு தண்ணீருடன், இந்த முட்டைகோசு சாரை சேர்த்து, எலுமிச்சை சாறு, ஒரு சிட்டிகை அளவு உப்பை போட்டு, குடித்துவிட வேண்டும்.

சூப்பரான சத்தான முட்டைக்கோஸ் ஜூஸ் ரெடி.

வாரத்தில் மூன்று நாட்கள் இந்த முட்டைக்கோஸ் ஜூஸ் குடிப்பது உடல் ஆரோக்கியத்தை மேம்படுத்தும்.

நன்றி | மாலை மலர்

ஆசிரியர்