காலையில் அவல் உணவுகளை சாப்பிடுவதன் மூலம் அந்த நாள் முழுமையும் சுறுசுறுப்புடன் இருக்க செய்யும். வெள்ளை நிறத்தில் இருக்கும் அவலில் உடலுக்கு தேவைப்படும் கார்போ ஹைட்ரேட், கலோரி உள்ளது.
தேவையான பொருட்கள்
கெட்டி அவல் – 1 கப், உப்பு – தேவைக்கு,
புளிக்கரைசல் – 1/2 கப்,
மஞ்சள் தூள் – 1/4 டீஸ்பூன்,
துருவிய வெல்லம் – 1 டீஸ்பூன்.
தாளிக்க
நல்லெண்ணெய் – 3 டேபிள் ஸ்பூன்,
கடுகு – 1 டீஸ்பூன்,
வரமிளகாய் –
பச்சை மிளகாய் – 1,
கறிவேப்பிலை – 6 இதழ்கள்,
கடலைப்பருப்பு, உளுத்தம் பருப்பு – தலா 1 டீஸ்பூன்,
வேர்க்கடலை – 1 டேபிள் ஸ்பூன்,
பெருங்காயம் – 1/2 டீஸ்பூன்.
செய்முறை
அவலைக் கழுவி நீரை வடிகட்டி அரைமணி நேரம் மூடி வைக்கவும்.
இடையிடையே திறந்து கைகளால் நன்றாகக் கலந்துவிடவும்.
வாணலியில் 3 டேபிள் ஸ்பூன் நல்லெண்ணெய் ஊற்றி தாளிக்கக் கொடுத்தவற்றைத் தாளித்து புளிக்கரைசல் ஊற்றி உப்பு, மஞ்சள் தூள், வெல்லம் சேர்த்து கொதிக்க விடவும்.
கொதித்து எல்லாம் சேர்ந்து வந்ததும் ஊறிய அவலைச் சேர்த்து நன்றாகக் கிளறி இறக்கவும்.
அவல் புளியோதரை தயார்.
நன்றி | மாலை மலர்
