எளிதாக கிடைக்கும் முட்டைகோஸை வைத்து இனிப்பான முட்டைகோஸ் அல்வா எப்படி செய்யலாம் என்று பார்க்கலாம்.
தேவையான பொருட்கள்:
முட்டைகோஸ் – 1/2 கப் நெய் – 1/4 கப்
கொழுப்பு நீக்காத பால் – 2 கப்
சர்க்கரை – 1/2 கப்
ஏலக்காய் பொடி – 1/2 ஸ்பூன்
நறுக்கிய பாதாம் மற்றும் முந்திரி – 1 டேபிள் ஸ்பூன்
செய்முறை:
பாத்திரத்தை அடுப்பில் வைத்து நெய்யை ஊற்றவும். அது உருகியதும் பொடியாக நறுக்கிய முட்டைகோஸை போட்டு நன்றாக வதக்கவும். பின்பு அதில் பாலை ஊற்றி வேக வைக்கவும்.
பால் பாதி அளவு சுண்டியதும், அதில் சர்க்கரை, நெய் சேர்த்துக் கிளறவும். கலவை கெட்டியாகும் வரை மிதமான தீயில் வேக வைக்கவும். கடைசியாக ஏலக்காய் தூள் சேர்த்து கொதிக்க வைக்கவும்.
தொடர்ந்து கிளறிக்கொண்டே இருந்து, அல்வா பதம் வந்ததும் நறுக்கிய பாதாம் மற்றும் முந்திரி தூவி இறக்கவும். சுவையான முட்டைகோஸ் அல்வா ரெடி.
நன்றி | மாலை மலர்
