இங்கிலாந்தின் விரிவான எதிர்கால வெள்ள வரைபடத்தை ஆராய்ச்சியாளர்கள் தயாரித்துள்ளனர். காலநிலை மாற்றம் மற்றும் அதனால் ஏற்படுத்தப்படும் வெள்ளத்தின் தாக்கத்தை வரைபடம் உருவகப்படுத்துகிறது.
இதனையடுத்து, வெள்ளத்தால் ஏற்படும் வருடாந்த சேதம் அடுத்த நூற்றாண்டில் ஐந்தில் ஒரு பங்குக்கும் மேலாக அதிகரிக்கக்கூடும் என்று எதிர்கால வெள்ள வரைபடம் வெளிப்படுத்தியுள்ளது.
இந்த நிலையில், கார்பன் உமிழ்வைக் குறைப்பதற்கான சர்வதேச உறுதிமொழிகள் நிறைவேற்றப்படாவிட்டால், காலநிலை மாற்றமானது முக்கிய இடங்களில் குறிப்பிட்ட தாக்கத்தை ஏற்படுத்தும் என தெரிவிக்கப்பட்டுள்ளது.
காலநிலை மாற்ற உறுதிமொழிகள் நிறைவேற்றப்பட்டாலும் வெப்பநிலையை 1.8C வரை உயர்த்தினால் தென்கிழக்கு இங்கிலாந்து, வடமேற்கு இங்கிலாந்து மற்றும் தெற்கு வேல்ஸ் உள்ளிட்ட இடங்களில் கணிசமான அளவு வெள்ளம் ஏற்படும்.
புதிய “வெள்ள அபாய வரைபடத்தில்” உள்ள விவரம், பெரிய அளவில் பாதிக்கப்படாத இடங்களையும் வெளிப்படுத்துகிறது. இந்த அளவிலான விவரங்கள், திட்டமிடல் முடிவுகளுக்கு முக்கியமானதாக ஆராய்ச்சியாளர்கள் கூறுகின்றனர்.
இங்கிலாந்து, ஸ்காட்லாந்து மற்றும் வேல்ஸ் முழுவதும் உள்ள மக்களின் வீடுகள் மற்றும் வணிகங்களுக்கு எவ்வளவு வெள்ள சேதம் ஏற்படும் என்பதைப் பற்றிய விரிவான படத்தை உருவாக்க நிலப்பரப்பு, நதி ஓட்டம், மழைப்பொழிவு முறைகள் மற்றும் கடல் மட்டம் பற்றிய தகவல்களை ஆய்வாளர்கள் பயன்படுத்தினர்.
அவர்கள் இதை அடுத்த நூற்றாண்டில் வானிலை அலுவலக காலநிலை கணிப்புகளுடன் இணைத்தனர்.
இந்த குழு தற்போது வடக்கு அயர்லாந்தில் வெள்ளம் ஏற்படுவதை மாதிரியாக வடிவமைத்து, காலநிலை வெப்பமடைகையில் இங்கிலாந்து முழுவதையும் உள்ளடக்கும் வகையில் முன்னறிவிப்புகளை விரிவுபடுத்தியுள்ளது.
இங்கிலாந்தின் காப்பீட்டாளர்களின் சங்கத்தின் படி, தற்போது இங்கிலாந்து முழுவதும் வெள்ள சேதத்துக்கான வருடாந்த செலவு £700 ஆகும்.
