Tuesday, January 26, 2021

இதையும் படிங்க

திருகோணமலையில் சோழர் | டாக்டர் ஜீவராஜின் புதிய நூல்

இலங்கையில் சோழர்களது 77 வருட கால ஆட்சியில் அவர்களது தலைநகரமாக பொலன்னறுவை என்கின்ற ஜனநாதமங்கலம் இருந்தபோதிலும் அவர்களது செயற்பாட்டுப் பிரதேசமாக திருகோணமலையே முக்கியத்துவம் பெற்றிருந்தது. திருகோணமலையில்...

நாம் செய்ய வேண்டியவை | வெற்றிச்செல்வி

இடி-உடை-நொருக்கு-பழிதீர் இளையவர்களே!நாம் செய்ய வேண்டியவை எல்லாம்துரும்பாயாகினும்முளைப்பதேமுளைத்துக்கிளைப்பதே நீயும் நானும்அவர்களது கருத்தில் 'பொருட்டாயிருக்கிறோம்' அதுவே வெற்றி தான்.

போரியல் வாழ்வை திரைக்குள் வரைந்த கலைஞன் | கேசவராஜனுக்கு மாமனிதர் விருது!

நிதர்சனம் நிறுவனத்தின் திரைப்பட இயக்குநர்களில் ஒருவராக பல ஈழத் திரைப்படங்களை உருவாக்கிய திரைப்பட இயக்குநர் மாமனிதர்  நவரட்ணம் கேசவராஜன் அவர்கள் 09.01.2021 அதிகாலை 02.30 மணியளவில் மாரடைப்பு காரணமாக காலமானார். ஈழத் திரைப்பட இயக்குனர் கேசவராஜனுக்கு விடுதலைப் புலிகளின் அனைத்துலக செயலகம் மாமனிதர் விருது அறிவித்துள்ள நிலையில், புலிகளின்...

ஈழத் திரைப்பட இயக்குனர் கேசவராஜன் காலமானார்!

ஈழத்தின் முதன்மையான திரைப்பட இயக்குனர் நா. கேசவராஜன் மாரடைப்பால் இன்று காலமானார். ஈழத் திரையுலகத்தை பெரும் சோகத்தில்...

பாலென காதல் பொங்கும் | கவிதை | குடந்தை பரிபூரணன்

முன் புற மாடி வீட்டின்முன்றலில் ஓர் இ ளைஞன்மின் கதிர் பார்வை யாலென்மீன் விழி துடிக்கச் செய்வான் அன்...

தாயாய் தாதியாய்..! | சிறுகதை | குரு அரவிந்தன்

(அம்மா, சமூகத்திற்குச் சேவை செய்யத்தான் வேண்டும், ஆனால் எங்களுக்கு நீதான் வேண்டும் – மகளின் ஓலம் அவளது காதுகளில் மீண்டும் மீண்டும் எதிரொலித்தன) ‘அம்மா, நீ...

ஆசிரியர்

அலமேலு | சிறுகதை | மதி

பகலின் அடர்த்தி அன்றைய பொழுதை ஆசுவாசப்படுத்திக் கொண்டிருந்தது.

“இன்னைக்கு… அந்த மாங்காய் தொக்கை மறந்தராதே… அலமேலு” என்று இன்னும் ஓரிரு நாளில் கந்தலாகி விடும் சட்டையை மாற்றிக் கொண்டே பேசினார் வீராசாமி.

நேற்றைய நீச்சுத் தண்ணியை உர்…. புர்…. என உறிந்த படியே தலையாட்டி பதில் சொன்னாள், அலமேலம்மாள்.

இருவருக்கும் அகவை அறுபதைக் கடந்திருந்த போதும், நெருக்கமான பிணைப்பு அகவையைக் கடந்திருந்தது.

அவர்களது ஒரே மகள் தென்காசியில் வாக்கப்பட்டுப் போனாள்.

வீராசாமியின் சொற்ப வருமானத்தில் உருண்டு ஓடிக் கொண்டிருந்தது அழகான அவர்களது வாழ்க்கை. இங்கே இருவரின் வாழ்வாதாரம் வெறிச்சோடிப் போயிருந்த நிலையிலும், இருவரின் அந்த நிஜ வாழ்க்கை ஒவ்வொரு நிமிடமும் புதுப்பித்திருந்தது.

கோயம்பத்தூரிலிருந்து சுமார் ஒரு பதினைந்து கிலோமீட்டர் தொலைவில் இருந்த தாளியூரில், ஊருக்கு ஒதுக்குப்புறமாக அமைத்திருந்தது அவர்களது வீடு. அதிலிருந்து மூன்று கிலோமீட்டர் தூரத்தில் இருக்கும் ஒரு கல்லூரியில் காவலாளியாக இருந்தார் வீராசாமி.

காலையில் நடந்து போகும் வழியில் புளியமரத்து அடியில் புளியம்பழத்தை நோட்டமிட்டவாறே கடந்து போவதுண்டு. வாரத்தில் இருமுறை புளியம் பழம் தென்பட்டுவிடும். அன்று இரவு புளிரசம் கரைப்பாள் அலமேலம்மாள். புளியங்கொட்டை அடுத்த நாள் உணவாகும்.

வாட்டிய வெயில் பகல் முழுதும் உடலில் உள்ள சாற்றை உரித்துக் கொண்டு இருந்தது..

இடைவெளி சமயத்தில் ‘தேநீர்’ கூட அருந்துவதில்லை வீராசாமி. சட்டைப்பையில் இருக்கும் சில்லறைக் காசுகள் ‘பீடி’க்குக் கூட போவதில்லை. தன் குழிவிழுந்த கண்களில் எப்போதும் ஒரு நிதானத் தேடல் இருந்து கொண்டே இருக்கும். எதற்காக அந்த தேடல்? அந்த முதிர் நிலை தான் விளக்கம் தரும்..

அந்திப் பொழுது தனக்கான வண்ணப் பொழுதாய் சோம்பல் முறித்த உற்சாகம், வீராசாமி நடையில் ஒளிர்ந்தது. பருவ நிலைகளில் எப்போதும் காலம் நின்று கடப்பதில்லை, வீரசாமியின் கால பருவத்தைத் தவிர.

ஆறு மணிக்கு முன்னால் வீட்டை அடைந்து விடுவது உண்டு…

அலமேலம்மாளைப் பார்த்த சந்தோஷத்தில் இன்னும் ஒரு முறை வாழ்ந்து விடலாம் என்ற வாஞ்சையோடு வீட்டுக்குள் நுழைவார் வீராசாமி. வீட்டை அடைந்தவுடன் வீட்டின் சோற்றுச் சட்டியை திறந்து பார்ப்பதை வழக்கமாக வைத்திருந்தார் வீராசாமி. மதிய வேலை உணவை அலமேலம்மாள் எடுத்துக் கொண்டாளா என்பதற்கான விசாரணை தான் இது.

“அலமேலு…. இந்தா …. உனக்கு பிடித்த மனோரஞ்சிதம்..” என்றதும் அந்த கருப்பு வெள்ளை கூந்தலில் அழகாக அமர்ந்து கொள்கிறது அந்த பூ. ஆயிரம் கவலைகளை நொறுக்கிப் போடுகிறது இதுபோன்ற மணித்துளிகள்.

அந்த வீடு முழுவதும் அவர்களது நேசத்தின் வாசம் நிறைந்து இருந்தது…

மணி ஆறைக் கடந்திருந்தது.

ஆறு ஏழு பாத்திரங்கள், சீமை எண்ணை அடுப்பு, பழைய பத்தமடைப் பாய், சுண்ணாம்புக் கற்களால் ஆன புடைத்து நிற்கும் சுவர், அதில் நெற்றியை திருநீற்றுப் பட்டையில் மறைத்து தொங்கும் கருப்பண்ண சாமி, கூரையில் மேயப்பட்ட சீமை ஓடு – இதுதான் அந்த வீட்டின் கட்டமைப்பு.

அலமேலம்மாள் சுவற்றோரம் சென்று அமர்ந்து விட்டாள். அவளுக்கு மாலைக்கண் நோய் கண்டறிந்த நாட்களிலிருந்து இதைத் தான் செய்கிறாள்.

நாள் முழுவதும் வெடித்த வெயிலில் கறுத்த உடல், அதில் தசையிழந்து சுருங்கிப் போன தோல்களில் படிந்த உப்பு வெண்ணிறமாகப் படிந்திருந்தது. தன்னைப் பற்றிய சிந்தனை அற்றவனாய் இருந்தார் வீராசாமி.

வீராசாமி அடுப்பை பற்ற வைத்து இரவு வேளைக்கு கஞ்சி காய்ச்சினார்.

தன் வயிறு ஒட்டும் அளவுக்கு வெளிக்காற்றை உள்வாங்கி அந்த சுடுகஞ்சியை ஆற்றிக் கொண்டிருந்தார். எப்போதும் வயிறு நிறைந்தவளாய் அலமேலு பாவனை செய்தாலும் குத்துக்காலிட்டு மனசு நிறையும் வரை ஊட்டிக் கொண்டிருப்பார்.

“அலமேலு கருவாட்டுக் கொழம்பு ஒருநாளைக்கு வையேன். நாக்கு செத்து போச்சு புள்ள..” என்று உட்கார்ந்து அலமேலுக்கு கஞ்சி ஊட்டியவாறு தன் எண்ணங்களைப் பரிவர்த்தனை செய்திருந்தார்.

“அடுத்த மாசம் சம்பளத்துல கொஞ்சம் கருவாடு வாங்கியாங்க….. நல்ல ருசியா செஞ்சு தரேன்’’ என்று எங்கோ பார்த்த வண்ணம் பதிலளித்தாள்..

மிச்சமிருந்த கஞ்சியை சுவைத்தவாறே வீராசாமி அன்றைய வயிற்றை நிறைத்தார்.

எல்லோருடைய வாழ்விலும் இப்படி ஒரு வசந்த காலம் பூத்துக் குலுங்குவதில்லை. வீரசாமியின் வறுமை ரேகை குருதியற்றுப் போயிருந்தது. மகிழ்ச்சியின் கணம் அந்த வீட்டை மொழுகியிருந்தது.

அலமேலம்மாள் தூங்கியவுடன் தன் கண்களை முடிக்கொள்வது வீரசாமியின் வழக்கம். அன்று இரவின் மயக்கம் அவர்களிடத்தில் தஞ்சம் கேட்டு நின்றிருந்தது.

அன்று ஞாயிறின் கதிர் பாய்ச்சல் வீட்டின் நுழைவாயிலில் முகாமிட்டிருந்தது

அதில் மஞ்சள் குளியல் எடுத்துக் கொண்ட குருவிகளுக்கு குருணை அரிசிகளைப் போட்டு, அந்த காலை வேளையை ஆரவாரப்படுத்திக் கொண்டிருந்தாள் அலமேலம்மாள்.

அன்று என்றும் போல இல்லாமல் சற்று அதிகமான மகிழ்ச்சியின் அலைவரிசை அந்த வீட்டில் மிதந்திருந்தது.

தூசி வாங்கி மங்கிப் போன மரக்கதவை துடைத்துக் கொண்டிருந்தாள்.

அந்த வீட்டின் பாதுகாவலனாய், நிறைந்து வழிந்த சந்தோசத்தை அணைக்கட்டி கொண்டிருந்த மரக்கதவுக்கு மகுடம் சூட்டியது போல அதை அழகு பார்த்தாள்.

காற்றின் துகில்களில் பரப்பி இருந்தது அந்த நெத்திலிக் கருவாடு மணம்…..

மாலை வேளைக்காக காத்திருந்தாள் அலமேலம்மாள்.

அந்தி சாய்ந்திருந்தது…..

அலமேலம்மாள் விழிகளில் ஒளி குன்றினாலும் தேடலின் பார்வை விரிந்திருந்தது.

இருளின் அடர்த்தி அதிகரித்தது.

சுவரோரம் அமர்ந்த அலமேலம்மாள் காதுகளை மட்டும் கதவுகளில் வைத்திருந்தாள்.

வெளிக்காற்றின் ஓசை கேட்டவளாய் காலத்தைக் கணித்திருந்தாள்.

கதவு அசையும் சத்தம் கேட்டது..

“வாங்க……. ஏன்….. இவ்வளவு நேரம்…. ”

மெதுவாய் அசைந்த கதவு, இன்று வீராசாமி சாலை விபத்தில் இறந்த இரங்கல் செய்தியைக் கொண்டு வந்த காற்றைக் கூட நுழைய விடாமல் பலத்த சத்தத்துடன் அடைத்துக் கொண்டது.

– மதி

நன்றி : கீற்று இணையம்

இதையும் படிங்க

நீ இன்றி நானும் இல்லை | கவிதை | கவிஞர் : தாமரை

நீ இன்றி நானும் இல்லைஎன் காதல் பொய்யும் இல்லைவழி எங்கும் உந்தன் முகம் தான்வலி கூட இங்கே சுகம் தான்

இலங்கையின் மூத்த ஊடகவியலாளர் எட்வின் ஆரியதாச காலமானார்!

இலங்கையின் சிரேஷ்ட ஊடகவியலாளரான எட்வின் ஆரியதாச காலமானார்.  இவர், தனது 98வது வயதில் காலமாகியுள்ளார். இவரின் மறைவு இலங்கை கலைஞர்கள், மக்கள் மத்தியில் பெரும் சோகத்தை...

விலகிப் போகும் வாழ்க்கை | கவிதை | சல்மா

இன்றும்ஒருவரைஎன்னை விட்டுவழியனுப்ப நேர்கிறதுநேற்றும்அதற்கு முன்பும் கூடநீங்கள்நினைப்பது போலஇது வாசல் வரை சென்றுவெறுமனே கையசைத்துத் திரும்புதல் அல்ல ஒவ்வொரு வழியனுப்புதலும்வயதை...

16 ஆண்டுகளில் 97ஆயிரம் ஆவணங்கள் | நூலகம் பவுண்டேசனின் சாதனை!

16 ஆண்டுகளில் 97ஆயிரம் புத்தகங்களை டிஜிட்டல் ஆவணவமாக பதிவாகியுள்ளது நூலகம் பவுண்டேசன். உலகின் பல்வேறு நாடகளில் இருந்தும் தமிழ் நூல்களை இணைய நூலகத்தில்...

பொங்கல் | கவிதை

கட்டிக்கரும்பு வெளஞ்சிருக்குகாடெல்லாம் செழிச்சிருக்குதைமாசம் பொறக்கையிலேமனசெல்லாம் நெறஞ்சிருக்கு பச்சைப்போர்வை போர்த்திநிக்கும்நெல்வயல் அங்கே.. இன்னும்சிலநாளில் தலகுனியும்கதிர் முதிர்ந்தாலே..

சந்தியாராகத்தின் கவிதைச்சரம் – 2021 | மூத்தோரின் அசத்தல் கவிதைகள்

கனடா விலா கருணா மூத்தோர் காப்பகத்தின் சந்தியாராகம் நிகழ்வின் ஒரு அங்கமாக கவிதைச்சரம் நிகழ்வு நேற்று மாலை (01. 10. 2021) நடைபெற்றது.

தொடர்புச் செய்திகள்

தூறல்கள் மழையாகலாம் | சிறுகதை | விமல் பரம்

ஞானம் சஞ்சிகையால் 2020 ல் நடாத்தப்பட்ட "அமரர் செம்பியன் செல்வன்" ஞாபகார்த்த சிறுகதைப் போட்டியில் விமல் பரம் அவர்களின் இச் சிறுகதையானது ஆறுதல் பரிசினைப் பெற்றுள்ளதோடு மார்கழி மாத ஞானம்...

தனிமையிலே இனிமை காண முடியுமா…? | சிறுகதை | சரசா சூரி

“செல்வம் அண்ணா ! சீக்கிரம் வண்டிய எடுங்க.. வகுப்புக்கு நேரமாகுது….போன வாரமே நானு போறதுக்குக்குள்ள பாடம் ஆரம்பிச்சிட்டாங்க… இனிமே லேட்டாக வந்தா வகுப்ப மிஸ் பண்ண...

புவிராஜசிங்கி | சிறுகதை | நூருத்தீன்

தேதி 19 - வெள்ளி. சென்னை வாட்ஸ்அப் வீடியோ அழைத்தது. விடாமல் இசைத்த அதன் ஒலி சில நிமிடங்களுக்குப்...

ஆசிரியர்

ஆசிரியரிடமிருந்து மேலும் பதிவுகள்

நடிகை ராதா பற்றி ஓர் கவர் ஸ்டோரி

"13 வயசுல ஹீரோயின்... 10 வருஷ மேஜிக்... இப்ப பிசினஸ் ஸ்டார்!" - நடிகை ராதா ஷேரிங்ஸ் 1980-களில் தமிழ் மற்றும் தெலுங்கு சினிமாவில் முன்னணி...

கூர்க் சிக்கன் குழம்பு | செய்முறை

தேவையான பொருட்கள்: ஊற வைப்பதற்கு…. சிக்கன் – 3/4 கிலோகூர்க் மசாலா பவுடர் – 1 1/2 டேபிள் ஸ்பூன்மிளகாய் தூள்...

மேலும் பதிவுகள்

பிந்திய செய்திகள்

குடியரசு தின விழாவினை கொண்டாடும் மக்களுக்கு பிரதமர் மோடி வாழ்த்து!

இந்தியா முழுவதும் இன்று (செவ்வாய்க்கிழமை) 72ஆவது குடியரசு தின விழா மக்களினால் கொண்டாடப்படுகின்றது. இந்நிலையில் நாட்டு மக்களுக்கு பிரதமர் நரேந்திர மோடி, குடியரசு தின விழாவினை...

இலங்கை குறித்த ஐ.நா. ஆணையாளரின் அறிக்கை – பதில் இன்று!

ஐக்கிய நாடுகள் மனித உரிமைகள் ஆணையாளர் நாயகம் மிச்செலே பச்செலெட்டினால் இலங்கைக்கு அனுப்பி வைக்கப்பட்டுள்ள அறிக்கைக்கான பதிலை இன்று (செவ்வாய்க்கிழமை) மாலை வழங்குவதற்கு எதிர்பார்ப்பதாக வௌிவிவகார அமைச்சு தெரிவித்துள்ளது.

ஐ.நா.வில் இலங்கைக்கு கொடுக்கப்படும் அழுத்தம் தமிழர்களை அடக்கு முறைக்குள் உள்ளாக்க கூடாது!

ஐ.நா மனித உரிமை கூட்டத் தொடரில் இலங்கை அரசுக்கு கொடுக்கப்படும் அழுத்தங்களானது இலங்கை வாழ் தமிழ் மக்கள் மீது அரசும் இராணுவமும் எந்த ஒரு அடக்கு முறைகளையும் பிரயோகிக்காத வகையில்...

இந்தியாவின் 72ஆவது குடியரசு தின விழா இன்று!

இந்தியாவின் 72ஆவது குடியரசு தின விழா மக்கள் அனைவராலும் கோலாகலமாக கொண்டாடப்பட்டு வருகிறது. இந்தியாவின் 72ஆவது குடியரசு தின விழாவை முன்னிட்டு தமிழக ஆளுநர் பன்வாரிலால்...

பயங்கரவாதத் தடைச்சட்டத்தில் திருத்தங்களை மேற்கொள்ளவுள்ளதாக தெரிவிப்பு!

பயங்கரவாதத் தடைச்சட்டத்தில் திருத்தங்களை மேற்கொள்ளவுள்ளதாக இலங்கை ஐரோப்பிய ஒன்றியத்திடம் தெரிவித்துள்ளது. இலங்கையும் ஐரோப்பிய ஒன்றியமும் தங்கள் கூட்டு ஆணைக்குழுவின் இருபத்தி மூன்றாவது சந்திப்பை நேற்று காணொளி...

கொரோனா உயிரிழப்பு – மொத்த எண்ணிக்கை 287ஆக அதிகரிப்பு!

இலங்கையில் மேலும் 4 கொரோனா மரணங்கள் பதிவாகியுள்ளதாக அரசத் தகவல் திணைக்களம் தெரிவித்துள்ளது. அதன்படி, பேருவளை பிரதேசத்தை சேர்ந்த 49 வயதுடைய பெண்ணொருவரும் கொழும்பு 08...

துயர் பகிர்வு