வடக்கு லண்டனில் இடம்பெற்ற தெரு சண்டையின் போது நபர் ஒருவர் கொலை செய்யப்பட்டதை விசாரித்த பொலிஸார் பாதிக்கப்பட்டவரின் பெயரைக் வெளியிட்டுள்ளனர்.
22 வயதான எமிலியானோ ஹசன்பாபாஜ், செவ்வாய்கிழமை இரவு 11.50 மணியளவில் என்ஃபீல்டின் பால்மர்ஸ் கிரீனில் உள்ள பெர்க்ஷயர் பகுதியில் இடம்பெற்ற மோதலில் கொல்லப்பட்டுள்ளார்.
காயமடைந்த குறித்த இளைஞன் வடக்கு லண்டன் மருத்துவமனையில் அனுமதிக்கப்பட்ட போதிலும், அவர் சிறிது நேரம் கழித்து உயிரிழந்துள்ளார்.
சம்பவம் தொடர்பில் துப்பறியும் நபர்களின் விசாரணைகள் தொடர்வதாக பெருநகர காவல்துறை செய்தித் தொடர்பாளர் கூறியுள்ளார்.
“லண்டன் தெருக்களில் ஏற்படும் ஒவ்வொரு மரணமும் ஒரு சோகம், இந்த நபர் தனது உயிரை எவ்வாறு இழந்தார் என்பதை கண்டறிய எமது அதிகாரிகள் குழுவினர் விசாரணைகளை முன்னெடுத்துள்ளனர்” என்று அவர் குறிப்பிட்டுள்ளார்.
“நாங்கள் விசாரணையின் ஆரம்ப கட்டத்தில் இருக்கிறோம், இந்த விசாரணைகள் மேற்கொள்ளப்படுவதால், நாள் முழுவதும் பொலிஸார் அப்பகுதியில் இருப்பார்கள்.
“இந்த சம்பவம் பால்மர்ஸ் க்ரீனில் உள்ள சமூகத்தினரிடையே கவலையை ஏற்படுத்தும் என்பதை நான் ஏற்றுக்கொள்கின்றேன், இருப்பினும் இந்த சம்பவத்தால் பொதுமக்களுக்கு ஒரு பரந்த ஆபத்து இருப்பதாக பரிந்துரைக்க எதுவும் இல்லை என்பதை நான் உங்களுக்கு உறுதியளிக்க விரும்புகிறேன்.”
“தகவல் தெரிந்தவர்கள் CAD 8977/11Jul ஐ மேற்கோள் காட்டி 101 என்ற எண்ணை அழைக்கவும் அல்லது 0800 555 111 இல் அநாமதேயமாக Crimestoppersஐ அழைக்கவும்” என்று அவர் கேட்டுக்கொண்டுள்ளார்.
