DATA அமைப்பு நடாத்திய தமிழ் பரா விளையாட்டுப் போட்டியில் வெற்றியீட்டிய வன்னி விழிப்புலன் அற்றோர் சங்க வீர வீராங்கனைகளை கௌரவிக்கும் நிகழ்வு கிளிநொச்சிமாவட்ட மக்கள் அமைப்பின் நிதியனுசரனையில் இன்று கிளிநொச்சியில் இடம்பெற்றது
இன்று காலை பதினோரு மணியளவில் கிளிநொச்சி கூட்டுறவாளர் மண்டபத்தில் வன்னி விழிப்புலன் அற்றோர் சங்கத்தலைவர் ஞானகுமார் அவர்களின் தலைமையில் ஆரம்பமான இந்நிகழ்வில்
தமிழ்ப் பரா விளையாட்டு நிகழ்வில் கலந்துகொண்டு சிறப்பித்த மற்றும் வெற்றியீட்டிய வன்னி விழிப்புலன் அற்ற சங்க வீர வீராங்கனைகளின் பிள்ளைகளுக்கு துவிச்சக்கர வண்டிகள் மற்றும் பரிசுப் பொருட்கள் மற்றும் மூக்குக்கண்ணாடிகள் போசாக்கு உணவுப் பொதிகள் என்பன வழங்கி வைக்கப்பட்டது
நிகழ்வில் சிறப்பு விருந்தினர்களாக கிளிநொச்சிமாவட்ட மக்கள் அமைப்பின் செயலாளர் சுரேஷ் , விஜயராஜா ஆனந்தி விஜயராஜா, கிளிநொச்சி இந்துக்கல்லூரி அதிபர் விக்கினராஜா, வைத்திய கலாநிதி லிங்கம், ஓய்வுபெற்ற அதிபர் பத்மநாபன், சட்டதரணி அர்ச்சனா ஆகியோர் கலந்துகொண்டு பரிசில்களை வழங்கி வைத்தனர்.
குறித்த நிகழ்வில் கிளிநொச்சிமாவட்ட மக்கள் அமைப்பின் உறுப்பினர்கள் , விழிப்புலன் அற்றோர் சங்க உறுப்பினர்கள் , மக்கள் எனப் பலரும் கலந்துகொண்டனர்
