இத்தாலி நாட்டின் ஜெனோவா நகரில் மலைகளுக்கு இடையே அமைக்கப்பெற்ற அதிவேக நெடுஞ்சாலை மேம்பாலம் இடிந்து விழுந்த விபத்தில் பாலத்தின் அடியில் சிக்கி ஏராளமான வாகனங்கள் சேதமடைந்துள்ளது.
இத்தாலி நாட்டின் வடமேற்கில் மலைகள் சூழ்ந்த பகுதியில் ஜெனோவா நகரம் அமைந்துள்ளது. மலைகளுக்கு இடையில் கொன்கிரீட் தூண்களை அமைத்து அவற்றின் மீது உருவாக்கப்பட்டுள்ள சாலைகள் வழியாகதான் இங்கு வாகன போக்குவரத்து நடைபெற்று வருகிறது. இடையில் சில வாய்க்கால் மற்றும் கால்வாய் பாலங்களும் உள்ளன.
இந்நிலையில், ஜெனோவா நகரின் மேற்கில் அமைந்துள்ள ஒரு தொழிற்பேட்டை அருகே அமைந்துள்ள A10 நெடுஞ்சாலையில் இருக்கும் மோரான்டி என்னும் மேம்பாலத்தின் ஒருபகுதி இன்று திடீரென்று இடிந்து விழுந்தது.
அந்த பாலத்தின் சுமார் 200 மீட்டர் நீளத்திலான பகுதி சுமார் 100 அடி ஆழத்தினுல் நொறுங்கி விழுந்ததால் அப்போது அவ்வழியாக பயணித்த பல கார்களும் லொறிகளும் இடிபாடுகளுக்கு அடியில் சிக்கியுள்ளன. அவற்றை மீட்கும் பணியில் மீட்பு படை வீரர்கள் ஈடுபட்டு வருகின்றனர்.
இந்த விபத்தில் எதுவும் உயிர் சேதம் ஏற்பட்டதா என்னும் அதிகாரப்பூர்வமான தகவல்கள் வெளியாகவில்லை. எனினும், பத்துக்கும் அதிகமானோர் இந்த விபத்தில் பலியாகியுள்ளதாக தெரிவிக்கப்பட்டுள்ளது.
